దేవుదేవుఁ డితడే దివ్యమూరితి
(॥పల్లవి॥)
దేవుదేవుఁ డితడే దివ్యమూరితి
యేవలఁ జూచినఁ దానే యీ రూపై వున్నాఁడు
(॥దేవు॥)
వేంకటాచలము మీఁది విశ్వరూప విశేషము
అంకెల ననంతావతారాలైన విశేషము
లంకె సింగారాది సర్వాలంకార విశేషము
యింకనిమహిమలతో నీరూపై వున్నాఁడు
(॥దేవు॥)
అందరిలో నంతర్యామియైన విశేషము
కందర్పుఁబుట్టించిన ఘన విశేషము
ముందు జగముసృష్టించి మూలమైన విశేషము
యిందరితోఁ గూడుకొని యీరూపై వున్నాఁడు
(॥దేవు॥)
పరము యోగీంద్రులెల్ల భావించిన విశేషము
అరుదైన వేదవేదాంతార్థ విశేషము
పరగ నలమేల్మంగపతియై శ్రీవేంకటేశుఁ-
డిరవై దాసులఁ గావ నీరూపై వున్నాఁడు
(||pallavi||)
devudevum̐ ḍidaḍe divyamūridi
yevalam̐ jūsinam̐ dāne yī rūbai vunnām̐ḍu
(||devu||)
veṁkaḍāsalamu mīm̐di viśhvarūba viśheṣhamu
aṁkĕla nanaṁtāvadārālaina viśheṣhamu
laṁkĕ siṁgārādi sarvālaṁkāra viśheṣhamu
yiṁkanimahimalado nīrūbai vunnām̐ḍu
(||devu||)
aṁdarilo naṁtaryāmiyaina viśheṣhamu
kaṁdarbum̐buṭṭiṁchina ghana viśheṣhamu
muṁdu jagamusṛṣhṭiṁchi mūlamaina viśheṣhamu
yiṁdaridom̐ gūḍugŏni yīrūbai vunnām̐ḍu
(||devu||)
paramu yogīṁdrulĕlla bhāviṁchina viśheṣhamu
arudaina vedavedāṁtārdha viśheṣhamu
paraga nalamelmaṁgabadiyai śhrīveṁkaḍeśhum̐-
ḍiravai dāsulam̐ gāva nīrūbai vunnām̐ḍu