దేవర విన్నిటా నీకు దేవుల నేను
(॥పల్లవి॥)
దేవర విన్నిటా నీకు దేవుల నేను
నీ వనిత నెప్పుడూను నేర మెంచకువయ్యా
(॥దేవ॥)
చెక్కు నొక్కి నీకు నేను సేసినట్టి వినయాలు
వక్కణగా నీ మనసు వచ్చునా నేఁడు
కక్కసించఁగదా నీకుఁ గప్పరవిడె మిచ్చితి
దక్కివున్నదానను నాతప్పు లెంచకువయ్యా
(॥దేవ॥)
పాదము లొత్తి నే నీపనుల నుండిన మేలు
యీదెస నీవూడిగాల కెక్కేనా నేఁడు
తోదోపులు గావుగదా దొమ్ములుగా నే మొక్కితి
ఆదినుండి నిన్నే కోరే మౌఁగాదనకు వయ్యా
(॥దేవ॥)
కందువనీకాఁగిటను కలసిన భోగములు
చెంది నీకు నిన్నిటాను సెలవా నేఁడు
సందడి సేయఁగదా నీ సరుస శ్రీ వేంకటేశ
యెందును నీ మేనవార మెరవుగాకువయ్యా
(||pallavi||)
devara vinniḍā nīgu devula nenu
nī vanida nĕppuḍūnu nera mĕṁchaguvayyā
(||deva||)
sĕkku nŏkki nīgu nenu sesinaṭṭi vinayālu
vakkaṇagā nī manasu vachchunā nem̐ḍu
kakkasiṁcham̐gadā nīgum̐ gapparaviḍĕ michchidi
dakkivunnadānanu nādappu lĕṁchaguvayyā
(||deva||)
pādamu lŏtti ne nībanula nuṁḍina melu
yīdĕsa nīvūḍigāla kĕkkenā nem̐ḍu
todobulu gāvugadā dŏmmulugā ne mŏkkidi
ādinuṁḍi ninne kore maum̐gādanagu vayyā
(||deva||)
kaṁduvanīgām̐giḍanu kalasina bhogamulu
sĕṁdi nīgu ninniḍānu sĕlavā nem̐ḍu
saṁdaḍi seyam̐gadā nī sarusa śhrī veṁkaḍeśha
yĕṁdunu nī menavāra mĕravugāguvayyā