దేవదుందుభులతోడ తేటతెల్లమైనాఁడు
(॥పల్లవి॥)
దేవదుందుభులతోడ తేటతెల్లమైనాఁడు
సేవించరో యిదే వీఁడే సింగారదేవుఁడు
(॥దేవ॥)
బంగారుమేడలలోనఁ బన్నీట మజ్జనమాడి
అంగము తడి యొత్తఁగా నదే దేవుఁడు
ముంగిటఁ బులుకడిగిన ముత్యమువలె నున్నాఁడు
కుంగని రాజసముతో కొండవంటి దేవుఁడు
(॥దేవ॥)
కాంతులు మించిన మాణికపుదోరణముకింద
అంతటఁ గప్పురముచాతు కదే దేవుఁడు
పొంతల నమృతమే పోగైనట్టున్నవాఁడు
సంతతము సంపదల సరిలేని దేవుఁడు
(॥దేవ॥)
తట్టు పుణుఁగు నించుక దండిసొమ్ములెల్లాఁ బెట్టి
అట్టెలమేల్మంగ నరుతఁ గట్టి
నెట్టన నమ్మినవారి నిధానమై వున్నవాఁడు
పట్టపు శ్రీవేంకటాద్రిపతియైన దేవుఁడు
(||pallavi||)
devaduṁdubhuladoḍa teḍadĕllamainām̐ḍu
seviṁcharo yide vīm̐ḍe siṁgāradevum̐ḍu
(||deva||)
baṁgārumeḍalalonam̐ bannīḍa majjanamāḍi
aṁgamu taḍi yŏttam̐gā nade devum̐ḍu
muṁgiḍam̐ bulugaḍigina mutyamuvalĕ nunnām̐ḍu
kuṁgani rājasamudo kŏṁḍavaṁṭi devum̐ḍu
(||deva||)
kāṁtulu miṁchina māṇigabudoraṇamugiṁda
aṁtaḍam̐ gappuramusādu kade devum̐ḍu
pŏṁtala namṛtame pogainaṭṭunnavām̐ḍu
saṁtadamu saṁpadala sarileni devum̐ḍu
(||deva||)
taṭṭu puṇum̐gu niṁchuga daṁḍisŏmmulĕllām̐ bĕṭṭi
aṭṭĕlamelmaṁga narudam̐ gaṭṭi
nĕṭṭana namminavāri nidhānamai vunnavām̐ḍu
paṭṭabu śhrīveṁkaḍādribadiyaina devum̐ḍu