(॥పల్లవి॥)
దేవదుందుభులతోడ దివ్యులతోడ
యీవేళ శ్రీహరి తేరు యేఁగీ వీధులను
(॥దేవ॥)
గరుడధ్వజముతోడ కనకపు గుఱ్ఱాలతో
పరపై యష్టదిక్కుల బండికండ్లతో
నిరతితో పట్టుమాలి నిడుపపగ్గాలతోడ
యిరవై శ్రీపతి తేరు యేఁగీ వీధులను
(॥దేవ॥)
పచ్చల ప్రతిమలతో పగడపు నొగలతో
హెచ్చిన వైడూర్యపు టిరుసులతో
కుచ్చుల ముత్యాలతో గుంపుఁ బైఁడికుండలతో
యిచ్చల భూధవు తేరు యేఁగీ వీధులను
(॥దేవ॥)
మంచి నీలాల గద్దెతో మణిదర్పణాలతోడ
పొంచిన సింగారాలతో పూదండలతో
అంచె శ్రీవేంకటేశుతో నలమేలుమంగతోడ
యెంచఁగ దేవుని తేరు యేఁగీ వీధులను
(||pallavi||)
devaduṁdubhuladoḍa divyuladoḍa
yīveḽa śhrīhari teru yem̐gī vīdhulanu
(||deva||)
garuḍadhvajamudoḍa kanagabu guṭrālado
parabai yaṣhṭadikkula baṁḍigaṁḍlado
niradido paṭṭumāli niḍubabaggāladoḍa
yiravai śhrībadi teru yem̐gī vīdhulanu
(||deva||)
pachchala pradimalado pagaḍabu nŏgalado
hĕchchina vaiḍūryabu ṭirusulado
kuchchula mutyālado guṁpum̐ baim̐ḍiguṁḍalado
yichchala bhūdhavu teru yem̐gī vīdhulanu
(||deva||)
maṁchi nīlāla gaddĕdo maṇidarbaṇāladoḍa
pŏṁchina siṁgārālado pūdaṁḍalado
aṁchĕ śhrīveṁkaḍeśhudo nalamelumaṁgadoḍa
yĕṁcham̐ga devuni teru yem̐gī vīdhulanu