దేవతలు గెలువరో తెగి దైత్యులు పారరో
(॥పల్లవి॥)
దేవతలు గెలువరో తెగి దైత్యులు పారరో
భావించ నింతటిలో భూభారమెల్ల నణఁగె
(॥దేవ॥)
నేఁడు కృష్ణుఁడు జనించె నేఁడే శ్రీజయంతి
నేఁడే రేపల్లెలోన నెలవైనాఁడు
వేఁడుక యశోదకు బిడ్డఁడైనాఁడిదె నేఁడే
పోఁడిమి జాతకర్మ మొప్పుగనాయ నేఁడు
(॥దేవ॥)
ఇప్పుడిదె గోవుల నిచ్చెను పుత్రోత్సవము
ఇప్పుడు తొట్టెల నిడి రింతులెల్లాను
చెప్పరాని బాలలీల సేయఁగలదెల్లాఁ జేసి
కప్పెను విష్ణుమాయలు గక్కన నేఁడిపుడు
(॥దేవ॥)
ఇదివో వసుదేవుని ఇంటిచెరలెల్లఁ బాసె
ఇదివో దేవకితప మిట్టె ఫలించె
చెదరక తా నిలిచె శ్రీవేంకటాదిపై నిదె
యెద నలమేలుమంగ యెక్కివున్న దిదివో
(||pallavi||)
devadalu gĕluvaro tĕgi daityulu pāraro
bhāviṁcha niṁtaḍilo bhūbhāramĕlla naṇam̐gĕ
(||deva||)
nem̐ḍu kṛṣhṇum̐ḍu janiṁchĕ nem̐ḍe śhrījayaṁti
nem̐ḍe reballĕlona nĕlavainām̐ḍu
vem̐ḍuga yaśhodagu biḍḍam̐ḍainām̐ḍidĕ nem̐ḍe
pom̐ḍimi jādagarma mŏppuganāya nem̐ḍu
(||deva||)
ippuḍidĕ govula nichchĕnu putrotsavamu
ippuḍu tŏṭṭĕla niḍi riṁtulĕllānu
sĕpparāni bālalīla seyam̐galadĕllām̐ jesi
kappĕnu viṣhṇumāyalu gakkana nem̐ḍibuḍu
(||deva||)
idivo vasudevuni iṁṭisĕralĕllam̐ bāsĕ
idivo devagidaba miṭṭĕ phaliṁchĕ
sĕdaraga tā nilisĕ śhrīveṁkaḍādibai nidĕ
yĕda nalamelumaṁga yĕkkivunna didivo