(॥పల్లవి॥)
దేవ యీతగవు దీర్చవయ్యా
వేవేలకు నిది విన్నపమయ్యా
(॥దేవ॥)
తనువున బొడమినతతి నింద్రియములు
పొనిగి యెక్కడికిఁ బోవునయా
పెనఁగి తల్లికడ బిడ్డలు భువిలో
యెనగొని యెక్కడి కేఁగుదురయ్యా
(॥దేవ॥)
పొదుగుచు మనమున బొడమినయాసలు
అదన నెక్కడికి నరుగునయా
వొదుగుచు జలములనుండు మత్స్యములు
పదపడి యేగతి బాసీనయ్యా
(॥దేవ॥)
లలి నొకటొకటికి లంకెలు నివే
అలరుచు నేమని యందునయా
బలు శ్రీవేంకటపతి నాయాత్మనుఁ
గలిగితి వెక్కడి కలుషములయ్యా
(||pallavi||)
deva yīdagavu dīrsavayyā
vevelagu nidi vinnabamayyā
(||deva||)
tanuvuna bŏḍaminadadi niṁdriyamulu
pŏnigi yĕkkaḍigim̐ bovunayā
pĕnam̐gi talligaḍa biḍḍalu bhuvilo
yĕnagŏni yĕkkaḍi kem̐gudurayyā
(||deva||)
pŏdugusu manamuna bŏḍaminayāsalu
adana nĕkkaḍigi narugunayā
vŏdugusu jalamulanuṁḍu matsyamulu
padabaḍi yegadi bāsīnayyā
(||deva||)
lali nŏgaḍŏgaḍigi laṁkĕlu nive
alarusu nemani yaṁdunayā
balu śhrīveṁkaḍabadi nāyātmanum̐
galigidi vĕkkaḍi kaluṣhamulayyā