(॥పల్లవి॥)
దేవ నీవు గల్పించిన తెరువు లివి
నీవారైనవారి నేరుపులివి
(॥దేవ॥)
పరమశాంతునకుఁ బాపము రాదు
విరతిగలవానికి వెరపు లేదు
గురుసేవారతునకుఁ గోపము రాదు
ధర సత్యవిదునకుఁ దప్పు లేదు
(॥దేవ॥)
పుట్టు బ్రహ్మచారికి బుద్ధి చెడదు
అట్టె ఆసలేనివారికి అలపు లేదు
తొట్టిన సుజ్ఞానికి దుఃఖములేదు
గట్టియైన మౌనికి కలహమే లేదు
(॥దేవ॥)
సమచిత్తునకును చంచలము గాదు
విమలాచారునకు వెలితి లేదు
నెమకి శ్రీవేంకటేశ నీదాసులై కొల్చి
భ్రమయనివారికి భారము లేదు
(||pallavi||)
deva nīvu galbiṁchina tĕruvu livi
nīvārainavāri nerubulivi
(||deva||)
paramaśhāṁtunagum̐ bābamu rādu
viradigalavānigi vĕrabu ledu
gurusevāradunagum̐ gobamu rādu
dhara satyavidunagum̐ dappu ledu
(||deva||)
puṭṭu brahmasārigi buddhi sĕḍadu
aṭṭĕ āsalenivārigi alabu ledu
tŏṭṭina sujñānigi duḥkhamuledu
gaṭṭiyaina maunigi kalahame ledu
(||deva||)
samasittunagunu saṁchalamu gādu
vimalāsārunagu vĕlidi ledu
nĕmagi śhrīveṁkaḍeśha nīdāsulai kŏlsi
bhramayanivārigi bhāramu ledu