దేవ నీదయ యెంతునో దివ్యసులభ మెంతునో
(॥పల్లవి॥)
దేవ నీదయ యెంతునో దివ్యసులభ మెంతునో
కావించి గంటగటుక(???) కాచుకుండే విదివో
(॥దేవ॥)
వెదక నావసమా వేగుదాఁకా నిన్ను నేను
కదిసి నీమూరితి కాన వసమా
యెదుట శంఖుచక్రాల యెట్టిదైవమ నేనని
పొదుగుచు నీకు నీవే పొడచూపేవు గాక
(॥దేవ॥)
పొగడ నావసమా పురుణించి నీగుణాలు
తగుల నావసమా నీతలఁపెఱిగి
నిగడి వేదశాస్త్రాల నిన్ను నీవే చెప్పుకొని
పగటు మాయజ్ఞానము పాపేవింతే కాక
(॥దేవ॥)
కొలువ నావసమా గుఱుతెఱిఁగి నీవెంట
చెలఁగి నాచేతులఁ బూజించ వసమా
నిలిచి శ్రీవేంకటేశ నీవే నాయదలో నుండి
మలసి పెరరేఁపుచు మన్నించేవు గాక
(||pallavi||)
deva nīdaya yĕṁtuno divyasulabha mĕṁtuno
kāviṁchi gaṁṭagaḍuga(???) kāsuguṁḍe vidivo
(||deva||)
vĕdaga nāvasamā vegudām̐kā ninnu nenu
kadisi nīmūridi kāna vasamā
yĕduḍa śhaṁkhusakrāla yĕṭṭidaivama nenani
pŏdugusu nīgu nīve pŏḍasūbevu gāga
(||deva||)
pŏgaḍa nāvasamā puruṇiṁchi nīguṇālu
tagula nāvasamā nīdalam̐pĕṟigi
nigaḍi vedaśhāstrāla ninnu nīve sĕppugŏni
pagaḍu māyajñānamu pābeviṁte kāga
(||deva||)
kŏluva nāvasamā guṟudĕṟim̐gi nīvĕṁṭa
sĕlam̐gi nāsedulam̐ būjiṁcha vasamā
nilisi śhrīveṁkaḍeśha nīve nāyadalo nuṁḍi
malasi pĕrarem̐pusu manniṁchevu gāga