దేవ నే నీయాధీనము దిక్కు దెస నాకు నీవే
(॥పల్లవి॥)
దేవ నే నీయాధీనము దిక్కు దెస నాకు నీవే
సేవ సేయకుండినా రక్షించ నీకు భారము
(॥దేవ॥)
ఆడివచ్చిన బిడ్డని నపరాధిఁ జేసి తల్లి
వోడక యన్నము పెట్టకుండవచ్చునా
వేడుకకాఁడు చిల్కకు వింతమాటలెల్లా నేర్పి
ఆడినట్టే యాడితేను అదలించవచ్చునా
(॥దేవ॥)
చిక్కినావు తొడుకుమేసి వచ్చేనంటా గొల్లఁడు
దుక్కక కావక పోఁదోలవచ్చునా
యెక్కే గుఱ్ఱము గోళిగె నెనసి పైకొంటే రౌతు
తక్కక దానిఁ జీకటితప్పు గొనవచ్చునా
(॥దేవ॥)
పతిఁ బెండ్లాడిన యాలు పక్కనుండి నిద్రించితే
కొతికి కాలానుభాగి గొనవచ్చునా ?
తతి నేఁపనికి రాక తామసుఁడై వుండినా
గతియై శ్రీవేంకటేశ కావకుండవచ్చునా
(||pallavi||)
deva ne nīyādhīnamu dikku dĕsa nāgu nīve
seva seyaguṁḍinā rakṣhiṁcha nīgu bhāramu
(||deva||)
āḍivachchina biḍḍani nabarādhim̐ jesi talli
voḍaga yannamu pĕṭṭaguṁḍavachchunā
veḍugagām̐ḍu silgagu viṁtamāḍalĕllā nerbi
āḍinaṭṭe yāḍidenu adaliṁchavachchunā
(||deva||)
sikkināvu tŏḍugumesi vachchenaṁṭā gŏllam̐ḍu
dukkaga kāvaga pom̐dolavachchunā
yĕkke guṭramu goḽigĕ nĕnasi paigŏṁṭe raudu
takkaga dānim̐ jīgaḍidappu gŏnavachchunā
(||deva||)
padim̐ bĕṁḍlāḍina yālu pakkanuṁḍi nidriṁchide
kŏdigi kālānubhāgi gŏnavachchunā ?
tadi nem̐panigi rāga tāmasum̐ḍai vuṁḍinā
gadiyai śhrīveṁkaḍeśha kāvaguṁḍavachchunā