चिमुकल्या चोचीमधे आभाळाचे गाणे
मातीतल्या कणसाला मोतियाचे दाणे
उगवत्या उन्हाला या सोनसळी अंग
पश्चिमेच्या कागदाला केशरीया रंग
देते कोण देते कोण देते कोण देते ?
सूर्यासाठी उषा आणि चंद्रासाठी निशा
घरी परतण्यासाठी पाखरांना दिशा
मध खाते माशी तरी सोंडेमधे डंख
चिकटला कोळी त्याच्या पायाखाली डिंक
देते कोण देते कोण देते कोण देते ?
नागोबाच्या फण्यावर दहाचा आकडा
खेकड्याच्या प्रवासाचा नकाशा वाकडा
करवंदाला चिक आणि अळूला या खाज
कुणी नाही बघे तरी लाजाळूला लाज
देते कोण देते कोण देते कोण देते ?
आभाळीच्या चंद्रामुळे रात होते खुळी
पाण्या नाही रंग तरी नदी होते निळी
भुईतून येतो तरी नितळ हा झरा
चिखलात उगवून तांदूळ पांढरा
देते कोण देते कोण देते कोण देते ?
मुठभर बुलबुल, हातभर तान
कोकिळेला गुरू नाही तरी गाई गान
काजव्याच्या पोटातून जळे का रे दिवा
पावसाच्या अगोदर ओली होते हवा
देते कोण देते कोण देते कोण देते ?
भिजे माती आणि तरी अत्तर हवेत
छोट्या छोट्या बियांतून लपे सारे शेत
नाजुकशा गुलाबाच्या भवतीने काटे
सरळशा खोडावर पुढे दहा फाटे
देते कोण देते कोण देते कोण देते ?
chimukalyā chochīmdhe ābhāḻāche gāṇe
mātītalyā kaṇsālā motiyāche dāṇe
ugavatyā unhālā yā sonasḻī aṅg
paśhchimechyā kāgdālā keśhrīyā raṅg
dete koṇ dete koṇ dete koṇ dete ?
sūryāsāṭhī uṣhā āṇi chaṅdrāsāṭhī niśhā
gharī partaṇyāsāṭhī pākhrāṅnā diśhā
madh khāte māśhī tarī soṅḍemdhe ḍaṅkh
chikaṭlā koḻī tyāchyā pāyākhālī ḍiṅk
dete koṇ dete koṇ dete koṇ dete ?
nāgobāchyā phaṇyāvar dahāchā ākḍā
khekaḍyāchyā prvāsāchā nakāśhā vākḍā
karavaṅdālā chik āṇi aḻūlā yā khāj
kuṇī nāhī baghe tarī lājāḻūlā lāj
dete koṇ dete koṇ dete koṇ dete ?
ābhāḻīchyā chaṅdrāmuḻe rāt hote khuḻī
pāṇyā nāhī raṅg tarī nadī hote niḻī
bhuītūn yeto tarī nitaḻ hā jharā
chikhlāt ugvūn tāṅdūḻ pāṅḍhrā
dete koṇ dete koṇ dete koṇ dete ?
muṭhabhar bulbul, hātabhar tān
kokiḻelā gurū nāhī tarī gāī gān
kājavyāchyā poṭātūn jaḻe kā re divā
pāvsāchyā agodar olī hote havā
dete koṇ dete koṇ dete koṇ dete ?
bhije mātī āṇi tarī attar havet
chhoṭyā chhoṭyā biyāṅtūn lape sāre śhet
nājukśhā gulābāchyā bhavtīne kāṭe
saraḻśhā khoḍāvar puḍhe dahā phāṭe
dete koṇ dete koṇ dete koṇ dete ?