దేహి నిత్యుఁడు దేహము లనిత్యాలు
(॥పల్లవి॥)
దేహి నిత్యుఁడు దేహము లనిత్యాలు
యీహల నా మనసా యిది మరవకుమీ
(॥దేహి॥)
గుదిఁ బాతచీర మాని కొత్తచీర గట్టినట్టు
ముదిమేను మాని దేహి మొగిఁ గొత్తమేను మోచు
అదనఁ జంపఁగ లేవు ఆయుధము లీతనిఁ
గదిసి యగ్నియు నీరు గాలియుఁ జంపఁగలేవు
(॥దేహి॥)
యీతఁడు నరకువడఁ డీతఁ డగ్నిఁ గాలఁడు
యీతఁడు నీట మునుఁగఁ డీఁతఁడు గాలిఁబోఁడు
చేతనుఁడై సర్వగతుండౌ చెలియించఁ డేమిటను
యీతల ననాది యీతఁ డిరవు గదలఁడు
(॥దేహి॥)
చేరి కానరానివాఁడు చింతించరానివాఁడు
భారపు వికారాలఁ బాసినవాఁడీ యాత్మ
ఆరయ శ్రీవేంకటేశు నాధీన మీతఁడని
సారము దెలియుటే సత్యం జ్ఞానము
(||pallavi||)
dehi nityum̐ḍu dehamu lanityālu
yīhala nā manasā yidi maravagumī
(||dehi||)
gudim̐ bādasīra māni kŏttasīra gaṭṭinaṭṭu
mudimenu māni dehi mŏgim̐ gŏttamenu mosu
adanam̐ jaṁpam̐ga levu āyudhamu līdanim̐
gadisi yagniyu nīru gāliyum̐ jaṁpam̐galevu
(||dehi||)
yīdam̐ḍu naraguvaḍam̐ ḍīdam̐ ḍagnim̐ gālam̐ḍu
yīdam̐ḍu nīḍa munum̐gam̐ ḍīm̐tam̐ḍu gālim̐bom̐ḍu
sedanum̐ḍai sarvagaduṁḍau sĕliyiṁcham̐ ḍemiḍanu
yīdala nanādi yīdam̐ ḍiravu gadalam̐ḍu
(||dehi||)
seri kānarānivām̐ḍu siṁtiṁcharānivām̐ḍu
bhārabu vigārālam̐ bāsinavām̐ḍī yātma
āraya śhrīveṁkaḍeśhu nādhīna mīdam̐ḍani
sāramu dĕliyuḍe satyaṁ jñānamu