దేహముతోడిది లంకె తీరదిది హరిమాయ
(॥పల్లవి॥)
దేహముతోడిది లంకె తీరదిది హరిమాయ
సాహసపుజీవులకు సహజమెప్పుడును
(॥దేహ॥)
నెట్టనఁ బెక్కిండ్లవిందు నిండుకొన్నయాఁకలి
వొట్టి నిచ్చకల్యాణి కామోద్రేకము
కట్టినవోడదూలము కాయపుసంసారము
దట్టమైన ప్రాణులకుఁ దనివేడదయ్యా
(॥దేహ॥)
పొద్దొకబై రూపము పొదలేటి యీవయసు
తిద్దుబడి గుఱ్ఱము హత్తినగుణము
వొద్దనుండినట్టి నీడ వుడివోనియట్టి నిద్ర
అద్దుకొని వుండుఁగాక అదియేల మానును
(॥దేహ॥)
పచ్చిగరికెకాలము ప్రపంచములో బ్రదుకు
తచ్చి చూచెటి సూత్రము తన జ్ఞానము
అచ్చపు శ్రీవేంకటేశుఁ డాత్మలో నిధానము
యిచ్చ నెరుఁగుకొంటేనే యిహమే పరము
(||pallavi||)
dehamudoḍidi laṁkĕ tīradidi harimāya
sāhasabujīvulagu sahajamĕppuḍunu
(||deha||)
nĕṭṭanam̐ bĕkkiṁḍlaviṁdu niṁḍugŏnnayām̐kali
vŏṭṭi nichchagalyāṇi kāmodregamu
kaṭṭinavoḍadūlamu kāyabusaṁsāramu
daṭṭamaina prāṇulagum̐ daniveḍadayyā
(||deha||)
pŏddŏgabai rūbamu pŏdaleḍi yīvayasu
tiddubaḍi guṭramu hattinaguṇamu
vŏddanuṁḍinaṭṭi nīḍa vuḍivoniyaṭṭi nidra
addugŏni vuṁḍum̐gāga adiyela mānunu
(||deha||)
pachchigarigĕgālamu prabaṁchamulo bradugu
tachchi sūsĕḍi sūtramu tana jñānamu
achchabu śhrīveṁkaḍeśhum̐ ḍātmalo nidhānamu
yichcha nĕrum̐gugŏṁṭene yihame paramu