దేహము సమ్మంధము యివి దేహికిఁ బనిలేదు
(॥పల్లవి॥)
దేహము సమ్మంధము యివి దేహికిఁ బనిలేదు
వూహించ నేర్చినవారలే వోరుచుకుందురయ్యా
(॥దేహ॥)
విడువవు శీతోష్ణంబులు విడువవు సుఖదుఃఖంబులు
వెడవెడ మరణభయంబులు విడిచినయందాఁకా
వుడుగవు కాంక్షలు మమతలు నుద్యోగంబులు చింతలు
పొడవగు విరక్తి తనలోఁ బొడమినయందాఁకా
(॥దేహ॥)
మానదు చిత్తవికారము మానదు దుర్గణదోషము
మానదు భోగము లన్నియు మానినయందాఁకా
పోనీదు సేసిన దురితము పోనీదు వ్రాఁతఫలంబును
పూనిన తన యజ్ఞానము పోయినయందాఁకా
(॥దేహ॥)
తెగవటు భవబంధంబులు తెగ వెడయని గర్వంబులు
నిగిడిన యీ యీత్మజ్ఞానము నీవిచ్చినయందాఁకా
జగదేకవిభుఁడ శ్రీవేంకటేశ్వర సర్వము నీయానతికొలఁదే
తగులుచుండు నివి నిశ్చలముగ నీదాస్యము గలిగినయందాఁకా
(||pallavi||)
dehamu sammaṁdhamu yivi dehigim̐ baniledu
vūhiṁcha nersinavārale vorusuguṁdurayyā
(||deha||)
viḍuvavu śhīdoṣhṇaṁbulu viḍuvavu sukhaduḥkhaṁbulu
vĕḍavĕḍa maraṇabhayaṁbulu viḍisinayaṁdām̐kā
vuḍugavu kāṁkṣhalu mamadalu nudyogaṁbulu siṁtalu
pŏḍavagu virakti tanalom̐ bŏḍaminayaṁdām̐kā
(||deha||)
mānadu sittavigāramu mānadu durgaṇadoṣhamu
mānadu bhogamu lanniyu māninayaṁdām̐kā
ponīdu sesina duridamu ponīdu vrām̐taphalaṁbunu
pūnina tana yajñānamu poyinayaṁdām̐kā
(||deha||)
tĕgavaḍu bhavabaṁdhaṁbulu tĕga vĕḍayani garvaṁbulu
nigiḍina yī yītmajñānamu nīvichchinayaṁdām̐kā
jagadegavibhum̐ḍa śhrīveṁkaḍeśhvara sarvamu nīyānadigŏlam̐de
tagulusuṁḍu nivi niśhchalamuga nīdāsyamu galiginayaṁdām̐kā