దేహము దా నస్ధిరమట దేహి చిరంతనుఁడౌనట
(॥పల్లవి॥)
దేహము దా నస్ధిరమట దేహి చిరంతనుఁడౌనట
దేహపు మోహపు సేఁతలు తీరుట లెన్నఁడొకో
(॥దేహ॥)
కన్నులఁబుట్టినకాంక్షలు కప్పికదా దుర్బోధల
కన్నులు మనసునుఁ దనియక గాసిఁబడిరి జనులు
తన్నిఁక నెరుఁగుట లెన్నఁడు తలఁపులు దొలఁగుట లెన్నఁడు
తిన్నని పరవశములచేఁ దిరుగుట లెన్నఁడొకో
(॥దేహ॥)
సిగ్గులు దొలఁగనియాశలఁ జిక్కికదా దుర్మానపు-
సిగ్గుల యెగ్గులచేతను చిక్కువడిరి జనులు
సిగ్గులు దొలఁగుట యెన్నఁడు చిత్తము లోనౌటెన్నఁడు
తగ్గుల మొగ్గుల నేఁతలు తలఁగుట లెన్నఁడొకో
(॥దేహ॥)
మనసు బుట్టిన యాతఁడు మనసునఁ బెనగొని తిరుగఁగ
మనసే తానగు దైవము మరచిరి యుందరును
అనయము తిరువేంకటపతి యాత్మఁదలఁచి సుఖింపుచు
ఘనమగు పరమానందము కలుగుట లెన్నఁడొకో
(||pallavi||)
dehamu dā nasdhiramaḍa dehi siraṁtanum̐ḍaunaḍa
dehabu mohabu sem̐talu tīruḍa lĕnnam̐ḍŏgo
(||deha||)
kannulam̐buṭṭinagāṁkṣhalu kappigadā durbodhala
kannulu manasunum̐ daniyaga gāsim̐baḍiri janulu
tannim̐ka nĕrum̐guḍa lĕnnam̐ḍu talam̐pulu dŏlam̐guḍa lĕnnam̐ḍu
tinnani paravaśhamulasem̐ diruguḍa lĕnnam̐ḍŏgo
(||deha||)
siggulu dŏlam̐ganiyāśhalam̐ jikkigadā durmānabu-
siggula yĕggulasedanu sikkuvaḍiri janulu
siggulu dŏlam̐guḍa yĕnnam̐ḍu sittamu lonauḍĕnnam̐ḍu
taggula mŏggula nem̐talu talam̐guḍa lĕnnam̐ḍŏgo
(||deha||)
manasu buṭṭina yādam̐ḍu manasunam̐ bĕnagŏni tirugam̐ga
manase tānagu daivamu marasiri yuṁdarunu
anayamu tiruveṁkaḍabadi yātmam̐dalam̐si sukhiṁpusu
ghanamagu paramānaṁdamu kaluguḍa lĕnnam̐ḍŏgo