దవ్వుల సరసములు తగునా నీకు
(॥పల్లవి॥)
దవ్వుల సరసములు తగునా నీకు
వువ్విళ్లె మేన నొచ్చమున్నవానివలెను
(॥దవ్వు॥)
గోడ నిక్కి చూచేవు గొబ్బున దగ్గరి రావు
ఆడనుండె యెడమాట లాడించేవు
వీడెపు నీమోవి చూపి వికవిక నవ్వేవు
కూడి ముట్టువారి ముట్టుకొన్నవానివలెను
(॥దవ్వు॥)
యెదుట సన్నలు సేసే వేకతము లాడేవు
పొదిగి నే రమ్మంటేఁ బొందు చూపేవు
బెదరేవు నీమేను పెనుగోర నంటితేను
చెదరి చీఁకటితప్పు సేయువాని వలెను
(॥దవ్వు॥)
అలికేవు వులికేవు అంతలోన భ్రమసేవు
వెలయ నిలువుననె వెరగందేవు
యెలమి శ్రీ వెంకటేశ యీడకు విచ్చేసి నీవు
కలసితి విదె కలగన్నవానివలెను
(||pallavi||)
davvula sarasamulu tagunā nīgu
vuvviḽlĕ mena nŏchchamunnavānivalĕnu
(||davvu||)
goḍa nikki sūsevu gŏbbuna daggari rāvu
āḍanuṁḍĕ yĕḍamāḍa lāḍiṁchevu
vīḍĕbu nīmovi sūbi vigaviga navvevu
kūḍi muṭṭuvāri muṭṭugŏnnavānivalĕnu
(||davvu||)
yĕduḍa sannalu sese vegadamu lāḍevu
pŏdigi ne rammaṁṭem̐ bŏṁdu sūbevu
bĕdarevu nīmenu pĕnugora naṁṭidenu
sĕdari sīm̐kaḍidappu seyuvāni valĕnu
(||davvu||)
aligevu vuligevu aṁtalona bhramasevu
vĕlaya niluvunanĕ vĕragaṁdevu
yĕlami śhrī vĕṁkaḍeśha yīḍagu vichchesi nīvu
kalasidi vidĕ kalagannavānivalĕnu