దంటమాటలనె నన్నుఁ దాకనాడేవు వోరి
(॥పల్లవి॥)
దంటమాటలనె నన్నుఁ దాకనాడేవు వోరి
జుంటితేనె తీపులెల్లఁ జూరలాడేవా
(॥దంట॥)
అత్తయింటికోడల నన్నమ్మమీఁద నేరా నీ-
తొత్తుఁ దిట్టినట్టె తిట్ట దొరకొంటివి
మెత్తనైతే దిగఁబడి మేరమీరి యింతలోనే
ఒత్తుక వచ్చేవు చక్కనుండ నేరవా
(॥దంట॥)
పంతపు మగఁడు గల పడఁతి నన్ను నేరా నీవు
కొంతైనా వెఱపులేక గోరనంటేవు
ఇంతలోనే వేలువెట్టి యిమ్ముగైకొని వలపు
దొంతులు వేరిచేవు బడుకనియ్యవా
(॥దంట॥)
ఊరివారి యింతి నన్ను వుద్దండపుఁ దుటారాలఁ
బేరుకుచ్చి సోలయుచుఁ బిసాళించేవు
గారవించి తిరువేంకటరాయ నీవు నన్ను
యేరా నాగుట్టంతయు బాయిట వేసేవా
(||pallavi||)
daṁṭamāḍalanĕ nannum̐ dāganāḍevu vori
juṁṭidenĕ tībulĕllam̐ jūralāḍevā
(||daṁṭa||)
attayiṁṭigoḍala nannammamīm̐da nerā nī-
tŏttum̐ diṭṭinaṭṭĕ tiṭṭa dŏragŏṁṭivi
mĕttanaide digam̐baḍi meramīri yiṁtalone
ŏttuga vachchevu sakkanuṁḍa neravā
(||daṁṭa||)
paṁtabu magam̐ḍu gala paḍam̐ti nannu nerā nīvu
kŏṁtainā vĕṟabulega goranaṁṭevu
iṁtalone veluvĕṭṭi yimmugaigŏni valabu
dŏṁtulu verisevu baḍuganiyyavā
(||daṁṭa||)
ūrivāri yiṁti nannu vuddaṁḍabum̐ duḍārālam̐
beruguchchi solayusum̐ bisāḽiṁchevu
gāraviṁchi tiruveṁkaḍarāya nīvu nannu
yerā nāguṭṭaṁtayu bāyiḍa vesevā