(॥పల్లవి॥)
దైవమా నీ వొక్కఁడవే దక్కిన ధనము గాక
యీవలానావలా మఱి యెంచ నేమున్నది
(॥దైవ॥)
పుట్టినవారికెల్లా పొత్తుల దీజగము
మెట్టికూచుండే యరఁగు మేదినియల్లా
బట్టబయటి భోగాలు బంతికూటిబోజనాలు
పట్టి తమపని యేరుపరచ నేమున్నది
(॥దైవ॥)
పంచుకొన్నభాగాలు పంచమహాభూతాలు
పంచేంద్రియములే పరివారాలు
యెంచి నడచేకాలమే యిందరికి నుంబళి
తెంచి యెచ్చుకుందు లిందుఁ దెలుప నేమున్నది
(॥దైవ॥)
మనోవికారాలు మానుషపు టెఱుకలు
వినోదమాత్రాలు వేడుకలెల్లా
యెనలేని శ్రీవేంకటేశ నీమహిమ లివి
వెనకా ముందరా విన్నవించ నేమున్నది
(||pallavi||)
daivamā nī vŏkkam̐ḍave dakkina dhanamu gāga
yīvalānāvalā maṟi yĕṁcha nemunnadi
(||daiva||)
puṭṭinavārigĕllā pŏttula dījagamu
mĕṭṭigūsuṁḍe yaram̐gu mediniyallā
baṭṭabayaḍi bhogālu baṁtigūḍibojanālu
paṭṭi tamabani yerubarasa nemunnadi
(||daiva||)
paṁchugŏnnabhāgālu paṁchamahābhūdālu
paṁcheṁdriyamule parivārālu
yĕṁchi naḍasegālame yiṁdarigi nuṁbaḽi
tĕṁchi yĕchchuguṁdu liṁdum̐ dĕluba nemunnadi
(||daiva||)
manovigārālu mānuṣhabu ṭĕṟugalu
vinodamātrālu veḍugalĕllā
yĕnaleni śhrīveṁkaḍeśha nīmahima livi
vĕnagā muṁdarā vinnaviṁcha nemunnadi