దైవమ నీవే గతి మాతప్పులు పనిలేదు
(॥పల్లవి॥)
దైవమ నీవే గతి మాతప్పులు పనిలేదు
శ్రీవల్లభుడవు నీవే చేకొని కావఁగదే
(॥దైవ॥)
జనని నీమాయా జనకుఁడవు నీవు
జనులము నేమిందర మొకసంతతిబిడ్డలము
వొనరెడి దినభోగములు వూరేటిచనుబాలు
మునుకొను మానడవళ్లివి ముద్దులు మీ కివివో
(॥దైవ॥)
ధర బశుపక్షిమృగాదులు తగ తోఁబుట్టుగులు
వురుటగు మాదేహంబులు వుయ్యలతొట్టెలలు
మరిగినసంసారము బొమ్మరిండ్లయాట లివి
నిరతి మాయజ్ఞానంబు నీకు నవ్వులయ్యా
(॥దైవ॥)
చావులుఁ బుట్టుగు లాడెడిసరి దాగిలిముచ్చిములు
భావపుటారంభంబులు బాలలీలగతులు
కైవశమందఁగ శ్రీవేంకటపతి నీదాస్యం బిది
మావంటివారికెల్లను నీమన్ననలాలనలు
(||pallavi||)
daivama nīve gadi mādappulu paniledu
śhrīvallabhuḍavu nīve segŏni kāvam̐gade
(||daiva||)
janani nīmāyā janagum̐ḍavu nīvu
janulamu nemiṁdara mŏgasaṁtadibiḍḍalamu
vŏnarĕḍi dinabhogamulu vūreḍisanubālu
munugŏnu mānaḍavaḽlivi muddulu mī kivivo
(||daiva||)
dhara baśhubakṣhimṛgādulu taga tom̐buṭṭugulu
vuruḍagu mādehaṁbulu vuyyaladŏṭṭĕlalu
mariginasaṁsāramu bŏmmariṁḍlayāḍa livi
niradi māyajñānaṁbu nīgu navvulayyā
(||daiva||)
sāvulum̐ buṭṭugu lāḍĕḍisari dāgilimuchchimulu
bhāvabuḍāraṁbhaṁbulu bālalīlagadulu
kaivaśhamaṁdam̐ga śhrīveṁkaḍabadi nīdāsyaṁ bidi
māvaṁṭivārigĕllanu nīmannanalālanalu