(॥పల్లవి॥)
దాసుల పాలిటి నిధానమై వున్నాఁ డదిగో
ఆసాబాసా నితఁడే అహోబలేశుఁడు
(॥దాసు॥)
నగె నదె వాఁడిగో నారసింహదేవుఁడు
పగదీర హిరణ్యాక్షుఁ బట్టి చించి
మృగరూపై గద్దెమీఁద మెఱసీవాఁ డదిగో
అగవూఁ దగవెఱిఁగి యహోబలేశుఁడు
(॥దాసు॥)
తేరిచూచీ నదిగో దేవాదిదేవుఁడు
ఘోరపు నెత్తురు గోళ్ళఁ గురియఁగాను
నేరుపుతోఁ బేగుల జన్నిదాలవాఁ డదిగో
ఆరితేరి కొలువున్నాఁ డహోబలేశుఁడు
(॥దాసు॥)
కరుణించీవాఁ డదిగో కమలాపతి దేవుఁడు
సురలు గొలువఁగాను సొంపుతోడను
యిరవై లోకములెల్లా నేలుచున్నాఁ డదిగో
హరి శ్రీవేంకటాద్రియహోబలేశుఁడు
(||pallavi||)
dāsula pāliḍi nidhānamai vunnām̐ ḍadigo
āsābāsā nidam̐ḍe ahobaleśhum̐ḍu
(||dāsu||)
nagĕ nadĕ vām̐ḍigo nārasiṁhadevum̐ḍu
pagadīra hiraṇyākṣhum̐ baṭṭi siṁchi
mṛgarūbai gaddĕmīm̐da mĕṟasīvām̐ ḍadigo
agavūm̐ dagavĕṟim̐gi yahobaleśhum̐ḍu
(||dāsu||)
terisūsī nadigo devādidevum̐ḍu
ghorabu nĕtturu goḽḽam̐ guriyam̐gānu
nerubudom̐ begula jannidālavām̐ ḍadigo
ārideri kŏluvunnām̐ ḍahobaleśhum̐ḍu
(||dāsu||)
karuṇiṁchīvām̐ ḍadigo kamalābadi devum̐ḍu
suralu gŏluvam̐gānu sŏṁpudoḍanu
yiravai logamulĕllā nelusunnām̐ ḍadigo
hari śhrīveṁkaḍādriyahobaleśhum̐ḍu