nain kā chain churākar le gaī
kar gaī nīṅd harām
chandrmā sā mukh thā uskā
chandrmukhī thā nām
nain kā chain churākar le gaī …
aṇkhiyāṅ nīlī aur naśhīlī
dil meṅ bas gaī vo lajīlī (?)
chāṇdnī thī mad bharī thī
gagan se utrī parī thī
yād hai vo din suhānā - 2
vo suhānī śhām
nain kā chain churākar le gayī …
sun rahā hūṇ vo paijniyā
ban meṅ nāchī ek hirniyā
yād khoī phir jāgī thī
jānī pahchānī lagī thī
nain milte hī nayan se - 2
man huā badnām
nain kā chain churākar le gayī …
kaisī thī vo kyā kahūṇ maiṅ
is liye chup-chup rahūṇ maiṅ
pyār kā siṅgār thī vo
svapn kā sākār thī vo
us vidhātā kī kalā kī -2
thī vo pūrṇ virām
nain kā chain churākar le gaī …
