(॥పల్లవి॥)
బ్రహ్మఁ గన్నవాఁడు పసిబిడ్డ
బ్రహ్మమైనవాఁడు పసిబిడ్డ
(॥బ్రహ్మ॥)
వగపులేక చంపవచ్చిన బూతకి
పగసాధించినవాఁడు పసిబిడ్డ
పగటునఁ దనమీఁదఁ బారవచ్చినబండి
పగులఁ దన్నినవాఁడు పసిబిడ్డా
(॥బ్రహ్మ॥)
గుట్టున నావులకొరకు వేలనె కొండ
పట్టి యెత్తినవాఁడు పసిబిడ్డా
జెట్టిపోరునఁ దన్ను జెనకవచ్చినవానిఁ
బట్టి చంపినవాఁడు పసిబిడ్డా
(॥బ్రహ్మ॥)
మిడికెటికోపపు మేనమామఁ బట్టి
పడనడిచినవాఁడు పసిబిడ్డా
కడువేగ శ్రీవెంకటనాథుఁవై గొల్ల
పడఁతులఁ గూడినాఁడు పసిబిడ్డా
(||pallavi||)
brahmam̐ gannavām̐ḍu pasibiḍḍa
brahmamainavām̐ḍu pasibiḍḍa
(||brahma||)
vagabulega saṁpavachchina būdagi
pagasādhiṁchinavām̐ḍu pasibiḍḍa
pagaḍunam̐ danamīm̐dam̐ bāravachchinabaṁḍi
pagulam̐ danninavām̐ḍu pasibiḍḍā
(||brahma||)
guṭṭuna nāvulagŏragu velanĕ kŏṁḍa
paṭṭi yĕttinavām̐ḍu pasibiḍḍā
jĕṭṭiborunam̐ dannu jĕnagavachchinavānim̐
baṭṭi saṁpinavām̐ḍu pasibiḍḍā
(||brahma||)
miḍigĕḍigobabu menamāmam̐ baṭṭi
paḍanaḍisinavām̐ḍu pasibiḍḍā
kaḍuvega śhrīvĕṁkaḍanāthum̐vai gŏlla
paḍam̐tulam̐ gūḍinām̐ḍu pasibiḍḍā