(॥పల్లవి॥)
బ్రహ్మఁ గడిగిన పాదము
బ్రహ్మము దానె నీపాదము
(॥బ్రహ్మ॥)
చెలఁగి వసుధ గొలిచిన నీపాదము
బలి తల మోపిన పాదము
తలఁకక గగనము దన్నిన పాదము
బలరిపుఁ గాచిన పాదము
(॥బ్రహ్మ॥)
కామినిపాపము గడిగిన పాదము
పాముతల నిడిన పాదము
ప్రేమపు శ్రీసతి పిసికెడి పాదము
పామిడి తురగపుఁ పాదము
(॥బ్రహ్మ॥)
పరమయోగులకుఁ బరిపరి విధముల
పరమొసఁగెడి నీపాదము
తిరువేంకటగిరి తిరమని చూపిన-
పరమపదము నీపాదము
(||pallavi||)
brahmam̐ gaḍigina pādamu
brahmamu dānĕ nībādamu
(||brahma||)
sĕlam̐gi vasudha gŏlisina nībādamu
bali tala mobina pādamu
talam̐kaga gaganamu dannina pādamu
balaribum̐ gāsina pādamu
(||brahma||)
kāminibābamu gaḍigina pādamu
pāmudala niḍina pādamu
premabu śhrīsadi pisigĕḍi pādamu
pāmiḍi turagabum̐ pādamu
(||brahma||)
paramayogulagum̐ baribari vidhamula
paramŏsam̐gĕḍi nībādamu
tiruveṁkaḍagiri tiramani sūbina-
paramabadamu nībādamu