బొమ్మల జంకించెనంటా పొలఁతిని దూరేవు
(॥పల్లవి॥)
బొమ్మల జంకించెనంటా పొలఁతిని దూరేవు
క్రమ్మర నిందుకుఁగానె కరఁగీ లోలోపలను
(॥బొమ్మ॥)
జక్కన పిట్టలవంటి చన్నులమీఁద నీవు
వుక్కువంటి కొనగోరనూఁదవచ్చునా
లక్కవంటి మనసిది లలన యిందుకుఁగానె
వొక్కరీతి సిగ్గువడి వున్నది లోపలను
(॥బొమ్మ॥)
తలిరాకువంటి మెత్తనిమోవిమీఁదను
ములువాడిదంతములు మోపవచ్చునా
కలువకామవంటి కామిని యిందుకుఁగానే
వులువచ్చి(?) చేఁతలతో వున్నది లోపలను
(॥బొమ్మ॥)
కడులేఁతతీగెవంటి కాయముమీఁద నిట్టే
అడరి నీగట్టియురమదిమితివి
యెడయక శ్రీ వేంకటేశ యిందుకుఁగాఁ జెలి
వుడివోని రతులతో నున్నది లోపలను
(||pallavi||)
bŏmmala jaṁkiṁchĕnaṁṭā pŏlam̐tini dūrevu
krammara niṁdugum̐gānĕ karam̐gī lolobalanu
(||bŏmma||)
jakkana piṭṭalavaṁṭi sannulamīm̐da nīvu
vukkuvaṁṭi kŏnagoranūm̐davachchunā
lakkavaṁṭi manasidi lalana yiṁdugum̐gānĕ
vŏkkarīdi sigguvaḍi vunnadi lobalanu
(||bŏmma||)
talirāguvaṁṭi mĕttanimovimīm̐danu
muluvāḍidaṁtamulu mobavachchunā
kaluvagāmavaṁṭi kāmini yiṁdugum̐gāne
vuluvachchi(?) sem̐talado vunnadi lobalanu
(||bŏmma||)
kaḍulem̐tadīgĕvaṁṭi kāyamumīm̐da niṭṭe
aḍari nīgaṭṭiyuramadimidivi
yĕḍayaga śhrī veṁkaḍeśha yiṁdugum̐gām̐ jĕli
vuḍivoni radulado nunnadi lobalanu