(॥పల్లవి॥)
బోధింపరే యెరిఁగిన బుధులాల పెద్దలాల
శ్రీధరుని మాయలలోఁ జిక్కితిమి నేము
(॥బోధిం॥)
దైవమును నొల్లము ధర్మమును నొల్లము
దావతి సంసారముతో తగులే కాని
భావపు భవబంధాల భయమూ నెరఁగము
వేవేలు విధులే కాని వేగిలేచి నేము
(॥బోధిం॥)
ముందు విచారించము మొదల విచారించము
పొందేటి సతులతోడి భోగమేకాని
చెందిన మనసులోని చింతలను బాయము
మందపు మదమేకాని మాపుదాఁకా నేము
(॥బోధిం॥)
పరమూఁ దడవము భక్తీఁ దడవము
అరిది ధనముమీఁది ఆసలే కాని
ఇరవై శ్రీవేంకటేశుఁ డేలుకొనెఁ దానే నన్ను
నిరతి నెరఁగనైతి నే నించుకంతాను
(||pallavi||)
bodhiṁpare yĕrim̐gina budhulāla pĕddalāla
śhrīdharuni māyalalom̐ jikkidimi nemu
(||bodhiṁ||)
daivamunu nŏllamu dharmamunu nŏllamu
dāvadi saṁsāramudo tagule kāni
bhāvabu bhavabaṁdhāla bhayamū nĕram̐gamu
vevelu vidhule kāni vegilesi nemu
(||bodhiṁ||)
muṁdu visāriṁchamu mŏdala visāriṁchamu
pŏṁdeḍi saduladoḍi bhogamegāni
sĕṁdina manasuloni siṁtalanu bāyamu
maṁdabu madamegāni mābudām̐kā nemu
(||bodhiṁ||)
paramūm̐ daḍavamu bhaktīm̐ daḍavamu
aridi dhanamumīm̐di āsale kāni
iravai śhrīveṁkaḍeśhum̐ ḍelugŏnĕm̐ dāne nannu
niradi nĕram̐ganaidi ne niṁchugaṁtānu