കിലുകിലുക്കാന്‍ ചെപ്പുകളേ വാ വാ വാ
കുഞ്ഞാറ്റക്കുരുവികളേ വാ വാ വാ
തുകിലുണര്‍ത്തുപാട്ടു പാടി
തളിര്‍മരത്തിലൂയലാടി
കുടുകുടുകളികാണാന്‍ വാ വാ വാ (കിലുകിലുക്കാന്‍)
കാറ്റു കൊള്ളാം പൂക്കള്‍ നുള്ളാം
കാട്ടിനുള്ളില്‍ തുമ്പി തുള്ളാം
കാറ്റു കൊള്ളാം പൂക്കള്‍ നുള്ളാം
കാട്ടിനുള്ളില്‍ തുമ്പി തുള്ളാം
കദളിവാഴപ്പോളകുത്തി
കൈതയോലപ്പീലികെട്ടി
കരുകുംപുല്‍മേട്ടിലൊരു കൂടുകൂട്ടാം (കിലുകിലുക്കാന്‍)
കന്നിയാറേ പമ്പയാറേ
കടലുകാണാന്‍ പോണവളേ
കന്നിയാറേ പമ്പയാറേ
കടലുകാണാന്‍ പോണവളേ
പവിഴമുളംതോണിയിലെ
പഞ്ച വര്‍ണ്ണപ്പൈങ്കിളിക്കു
പൊന്മുത്തും പവിഴവും
കൊണ്ടുവരേണം. (കിലുകിലുക്കാന്‍)
