బిరుదు బంటితఁడు పెద్దహనుమంతుడు
(॥పల్లవి॥)
బిరుదు బంటితఁడు పెద్దహనుమంతుడు
సిరులతో రామునికి సీతాదేవికిని
(॥బిరుదు॥)
మూఁడులోకములుఁ దుదముట్టఁ బెరిగినవాఁడు
వాఁడె హనుమంత దేవరఁ జూడరో
పోఁడిమి దైత్యుల గెల్చి పూఁచి చేయెత్తుకున్నాఁడు
వాఁడి ప్రతాపముతోడ వాయుజుఁడు
(॥బిరుదు॥)
ధ్రువమండలము మోవఁ దోఁక యెత్తుకున్నవాఁడు
సవరనై పెనుజంగ చాఁచుకున్నాఁడు
భువిఁ గవచ కుండలంబులతోఁ బుట్టినవాఁడు
వివరించ నేకాంత వీరుఁడైనవాఁడు
(॥బిరుదు॥)
పెనచి పండ్లగొల పిడికిలించుకున్నాఁడు
ఘనుఁ డిన్నిటా స్వామి కార్యపరుఁడు
వినయపు శ్రీ వేంకటవిభునికి హితవరి
యెనసి మొక్కఁగదరో యెదుట నున్నాఁడు
(||pallavi||)
birudu baṁṭidam̐ḍu pĕddahanumaṁtuḍu
sirulado rāmunigi sīdādevigini
(||birudu||)
mūm̐ḍulogamulum̐ dudamuṭṭam̐ bĕriginavām̐ḍu
vām̐ḍĕ hanumaṁta devaram̐ jūḍaro
pom̐ḍimi daityula gĕlsi pūm̐si seyĕttugunnām̐ḍu
vām̐ḍi pradābamudoḍa vāyujum̐ḍu
(||birudu||)
dhruvamaṁḍalamu movam̐ dom̐ka yĕttugunnavām̐ḍu
savaranai pĕnujaṁga sām̐sugunnām̐ḍu
bhuvim̐ gavasa kuṁḍalaṁbuladom̐ buṭṭinavām̐ḍu
vivariṁcha negāṁta vīrum̐ḍainavām̐ḍu
(||birudu||)
pĕnasi paṁḍlagŏla piḍigiliṁchugunnām̐ḍu
ghanum̐ ḍinniḍā svāmi kāryabarum̐ḍu
vinayabu śhrī veṁkaḍavibhunigi hidavari
yĕnasi mŏkkam̐gadaro yĕduḍa nunnām̐ḍu