(॥పల్లవి॥)
బిగ్గెఁ గాఁగలించుకోవే పిరితీయక
నిగ్గుల యాతనిమేను నేఁడే నొచ్చీనా
(॥బిగ్గె॥)
మందరమెత్తినవాఁడు మల్లుల మొత్తినవాఁడు
అందపు నీ గుబ్బల వేఁగాన లేఁడా
గొందినున్న కుచములు కొనవాండ్లైతేను
చెందిన యాతనిమేను చిల్లులయ్యీనా
(॥బిగ్గె॥)
భూమెల్ల మోఁచినవాఁడు పొడవు దాఁచినవాఁడు
భామ నీ మొలనూలు భారమనీనా
వోమక యాతనితోడి వుపరిసురతానకు
యేమని వేఁడుకొనిన యేల లోఁగేవే
(॥బిగ్గె॥)
వేంకటనగమువాఁడు వెన్నెలమొగమువాఁడు
కింకల నీ చేఁతలకుఁ గిందుపడీనా
పంకజవదన నీకుఁ బాయలేక చెనకిన
కుంకుమగుబ్బల చెనకులకోపఁడా
(||pallavi||)
biggĕm̐ gām̐galiṁchugove piridīyaga
niggula yādanimenu nem̐ḍe nŏchchīnā
(||biggĕ||)
maṁdaramĕttinavām̐ḍu mallula mŏttinavām̐ḍu
aṁdabu nī gubbala vem̐gāna lem̐ḍā
gŏṁdinunna kusamulu kŏnavāṁḍlaidenu
sĕṁdina yādanimenu sillulayyīnā
(||biggĕ||)
bhūmĕlla mom̐sinavām̐ḍu pŏḍavu dām̐sinavām̐ḍu
bhāma nī mŏlanūlu bhāramanīnā
vomaga yādanidoḍi vubarisuradānagu
yemani vem̐ḍugŏnina yela lom̐geve
(||biggĕ||)
veṁkaḍanagamuvām̐ḍu vĕnnĕlamŏgamuvām̐ḍu
kiṁkala nī sem̐talagum̐ giṁdubaḍīnā
paṁkajavadana nīgum̐ bāyalega sĕnagina
kuṁkumagubbala sĕnagulagobam̐ḍā