బిడ్డఁ డంటా నమ్మి యెట్టు వెట్టుకొన్నా రిందుకంటె
(॥పల్లవి॥)
బిడ్డఁ డంటా నమ్మి యెట్టు వెట్టుకొన్నా రిందుకంటె
గొడ్డువో మేలు యిట్టి కొత్త లెందుఁ గలవా
(॥బిడ్డ॥)
నోరినిండాఁ జన్ను లేక నొగిలెడిఁ బాప మయ్యో
ఊరివారిపాపఁ డఁటా నొకయింతి
నేరుపునం జన్నియ్యంగ నెత్తు రెల్లఁ దాగి తాగి
గోరపెట్టి చంపె నిట్టి కొత్త లెందుఁగలవా
(॥బిడ్డ॥)
ఎత్తుకొనేవారు లేక యేఁకరే నటంచు నొక్కఁ
డెత్తుకొని వేడుకతో నేఁగఁగానే
బత్తిగలవానివలె ప్రాణము వోయినదాఁకా
కుత్తుక బిగించె నిట్టి కొత్త లెందుఁగలవా
(॥బిడ్డ॥)
నిప్పు వలె నెండగాయ నీడలే దటంచుబండి
యొప్పుగం జాటిడి తనకుండంగానే
అప్పుడు వేంకటరాయఁ డడ్డపాపఁ డరకాల
కుప్పవడఁ దన్నె నిట్టి కొత్త లెందుఁగలవా
(||pallavi||)
biḍḍam̐ ḍaṁṭā nammi yĕṭṭu vĕṭṭugŏnnā riṁdugaṁṭĕ
gŏḍḍuvo melu yiṭṭi kŏtta lĕṁdum̐ galavā
(||biḍḍa||)
noriniṁḍām̐ jannu lega nŏgilĕḍim̐ bāba mayyo
ūrivāribābam̐ ḍam̐ṭā nŏgayiṁti
nerubunaṁ janniyyaṁga nĕttu rĕllam̐ dāgi tāgi
gorabĕṭṭi saṁpĕ niṭṭi kŏtta lĕṁdum̐galavā
(||biḍḍa||)
ĕttugŏnevāru lega yem̐kare naḍaṁchu nŏkkam̐
ḍĕttugŏni veḍugado nem̐gam̐gāne
battigalavānivalĕ prāṇamu voyinadām̐kā
kuttuga bigiṁchĕ niṭṭi kŏtta lĕṁdum̐galavā
(||biḍḍa||)
nippu valĕ nĕṁḍagāya nīḍale daḍaṁchubaṁḍi
yŏppugaṁ jāḍiḍi tanaguṁḍaṁgāne
appuḍu veṁkaḍarāyam̐ ḍaḍḍabābam̐ ḍaragāla
kuppavaḍam̐ dannĕ niṭṭi kŏtta lĕṁdum̐galavā