(॥పల్లవి॥)
భోగీంద్రులును మీరుఁ బోయి రండు
వేగన మీఁదటి విభవాలకు
(॥భోగీం॥)
హరుఁడ పోయిరా అజుఁడ నీవును బోయి
తిరిగిరా మీఁదటి తిరుణాళ్ళకు
సురలు మునులును భూసురులుఁబోయి రండు
అరవిరి నిన్నాళ్ళు నలసితిరి
(॥భోగీం॥)
జముఁడ పోయిరా శశియు నీవును బోయి
సుముఖుఁడవై రా సురలఁ గూడి
గుములై దిక్పతులు దిక్కులకుఁ బోయి రండు
ప్రమదాన నిన్నాళ్ళు బడలితిరి
(॥భోగీం॥)
నారద సనకసనందనాదులు
భూరి విభవములఁ బోయిరండు
దూరముగాఁ బోకిట్టే తొరలి వేంకటగిరిఁ
జేరి నన్నిట్లనే సేవించుఁడీ
(||pallavi||)
bhogīṁdrulunu mīrum̐ boyi raṁḍu
vegana mīm̐daḍi vibhavālagu
(||bhogīṁ||)
harum̐ḍa poyirā ajum̐ḍa nīvunu boyi
tirigirā mīm̐daḍi tiruṇāḽḽagu
suralu munulunu bhūsurulum̐boyi raṁḍu
araviri ninnāḽḽu nalasidiri
(||bhogīṁ||)
jamum̐ḍa poyirā śhaśhiyu nīvunu boyi
sumukhum̐ḍavai rā suralam̐ gūḍi
gumulai dikpadulu dikkulagum̐ boyi raṁḍu
pramadāna ninnāḽḽu baḍalidiri
(||bhogīṁ||)
nārada sanagasanaṁdanādulu
bhūri vibhavamulam̐ boyiraṁḍu
dūramugām̐ bogiṭṭe tŏrali veṁkaḍagirim̐
jeri nanniṭlane seviṁchum̐ḍī