(॥పల్లవి॥)
భవరోగవైద్యుఁడైన బలువెజ్జు
సవరని పైఁడిపక్షి సకినగాఁడు
(॥భవ॥)
తల్లి వద్ద నోరిలోన తగ లోకములు చూపి
వెల్లవిరి నింద్రజాలవిద్యవాఁడు
చెల్లుబడి నొక్కకొండ చేతఁ బట్టి యెత్తినాఁడు
బల్లిదుఁడు వాడివో బారివిద్యవాఁడు
(॥భవ॥)
మునుపె సకలభూతములను నేలికయై
మనసెల్లా నెరిగిన మంత్రవాది
చనవున జలధిలో సంప దింద్రునికిఁ జూపె
అనువరి వాఁడివో అంజనగాఁడు
(॥భవ॥)
పట్టరాని కాళింగుపడిగెలమీఁదు మెట్టి
పట్టినాఁడు వాఁడువో పాములవాఁడు
అట్టె శ్రీవెంకటనాథుఁ డమరుల నెల్లనుఁ జే
పట్టి దైత్యులఁ జంపించే పాళగాఁడు
(||pallavi||)
bhavarogavaidyum̐ḍaina baluvĕjju
savarani paim̐ḍibakṣhi saginagām̐ḍu
(||bhava||)
talli vadda norilona taga logamulu sūbi
vĕllaviri niṁdrajālavidyavām̐ḍu
sĕllubaḍi nŏkkagŏṁḍa sedam̐ baṭṭi yĕttinām̐ḍu
ballidum̐ḍu vāḍivo bārividyavām̐ḍu
(||bhava||)
munubĕ sagalabhūdamulanu neligayai
manasĕllā nĕrigina maṁtravādi
sanavuna jaladhilo saṁpa diṁdrunigim̐ jūbĕ
anuvari vām̐ḍivo aṁjanagām̐ḍu
(||bhava||)
paṭṭarāni kāḽiṁgubaḍigĕlamīm̐du mĕṭṭi
paṭṭinām̐ḍu vām̐ḍuvo pāmulavām̐ḍu
aṭṭĕ śhrīvĕṁkaḍanāthum̐ ḍamarula nĕllanum̐ je
paṭṭi daityulam̐ jaṁpiṁche pāḽagām̐ḍu