(॥పల్లవి॥)
భక్తి నీపైదొకటె పరమసుఖము
యుక్తి చూచిన నిజంబొక్కటే లేదు
(॥భక్తి॥)
కులమెంత గలిగె నది కూడించు గర్వంబు
చలమెంత గలిగె నది జగడమే రేఁచు
తలఁపెంత పెంచినాఁ దగిలించు కోరికలు
యెలమి విజ్ఞానంబు యేమిటా లేదు
(॥భక్తి॥)
ధన మెంత గలిగె నది దట్టమౌ లోభంబు
మొనయుఁ జక్కందనంబు మోహములు రేఁచు
ఘనవిద్య గలిగినను కప్పుఁ బైపై మదము
యెనయఁగఁ బరమపద మించుకయు లేదు
(॥భక్తి॥)
తరుణు లెందరుఅయిన తాపములు సమకూడు
సిరులెన్ని గలిగినను చింతలే పెరుగు
యిరవయిన శ్రీవేంకటేశ నినుఁ గొలువఁగా
పెరిగె నానందంబు బెళకు లిఁకలేవు
(||pallavi||)
bhakti nībaidŏgaḍĕ paramasukhamu
yukti sūsina nijaṁbŏkkaḍe ledu
(||bhakti||)
kulamĕṁta galigĕ nadi kūḍiṁchu garvaṁbu
salamĕṁta galigĕ nadi jagaḍame rem̐su
talam̐pĕṁta pĕṁchinām̐ dagiliṁchu korigalu
yĕlami vijñānaṁbu yemiḍā ledu
(||bhakti||)
dhana mĕṁta galigĕ nadi daṭṭamau lobhaṁbu
mŏnayum̐ jakkaṁdanaṁbu mohamulu rem̐su
ghanavidya galiginanu kappum̐ baibai madamu
yĕnayam̐gam̐ baramabada miṁchugayu ledu
(||bhakti||)
taruṇu lĕṁdaruayina tābamulu samagūḍu
sirulĕnni galiginanu siṁtale pĕrugu
yiravayina śhrīveṁkaḍeśha ninum̐ gŏluvam̐gā
pĕrigĕ nānaṁdaṁbu bĕḽagu lim̐kalevu