భావించి నేరనైతి పశుబుద్ధినైతిని
(॥పల్లవి॥)
భావించి నేరనైతి పశుబుద్ధినైతిని
యీవల నా యపచార మిది గావవయ్యా
(॥భావిం॥)
హరి నీవు ప్రపంచమందుఁ బుట్టించితి మమ్ము
పరము నే సాధించేది బలుద్రోహమవుఁ గాదో
సిరుల నేలేటివాఁడు చెప్పినట్టు సేయక
విరసాలు బంట్లకు వేరే సేయఁ దగునా
(॥భావిం॥)
పంచేంద్రియములు నాపైఁ బంపువెట్టితివి నీవు
యెంచి వాని నే దండించేదిది నేరమౌఁ గాదో
పెంచేటి తల్లిదండ్రులు ప్రియమై వడ్డించఁగాను
కంచము కాలఁ దన్న సంగతి యాబిడ్డలకు
(॥భావిం॥)
మిక్కిలి సంసారము మెడఁగట్టితివి నాకు
అక్కర నే వేసారేది అపరాధమవుఁ గాదో
దిక్కుల శ్రీవేంకటాద్రి దేవుఁడ నీవియ్యఁగాను
యెక్కడో జీవుఁడ నేను యెదురాడఁ దగునా
(||pallavi||)
bhāviṁchi neranaidi paśhubuddhinaidini
yīvala nā yabasāra midi gāvavayyā
(||bhāviṁ||)
hari nīvu prabaṁchamaṁdum̐ buṭṭiṁchidi mammu
paramu ne sādhiṁchedi baludrohamavum̐ gādo
sirula neleḍivām̐ḍu sĕppinaṭṭu seyaga
virasālu baṁṭlagu vere seyam̐ dagunā
(||bhāviṁ||)
paṁcheṁdriyamulu nābaim̐ baṁpuvĕṭṭidivi nīvu
yĕṁchi vāni ne daṁḍiṁchedidi neramaum̐ gādo
pĕṁcheḍi tallidaṁḍrulu priyamai vaḍḍiṁcham̐gānu
kaṁchamu kālam̐ danna saṁgadi yābiḍḍalagu
(||bhāviṁ||)
mikkili saṁsāramu mĕḍam̐gaṭṭidivi nāgu
akkara ne vesāredi abarādhamavum̐ gādo
dikkula śhrīveṁkaḍādri devum̐ḍa nīviyyam̐gānu
yĕkkaḍo jīvum̐ḍa nenu yĕdurāḍam̐ dagunā