భావించరే చెలులాల పరమాత్ముని
(॥పల్లవి॥)
భావించరే చెలులాల పరమాత్ముని
చేవదేరి చిగురులో చేఁగయై యుండెను
(॥భావిం॥)
మలసి పన్నీట హరి మజ్జనమాడేవేళ
కలశాబ్ధిఁ దేలే మాణికమువలె నుండెను
అలరి కప్పుర కాపు అవధరించేటి వేళ
మొలచిన వెన్నెల మొలకయై యుండెను
(॥భావిం॥)
అంచలఁ దట్టుపుణుఁగు అవధరించేటి వేళ
యెంచ నంజనాద్రిపై యేనుగై వుండెను
మించిన హారములెల్ల మేన నించుకొన్న వేళ
మంచిమంచి నక్షత్ర మండలమై యుండెను
(॥భావిం॥)
వున్నతి నలమేల్మంగ నురమున నుంచు వేళ
పెన్నిధై పూచినట్టి సంపెంగవలె నుండెను
వన్నె శ్రీవేంకటేశుఁడు వరములిచ్చేటి వేళ
తిన్ననై యందరి భాగ్యదేవతయై యుండెను
(||pallavi||)
bhāviṁchare sĕlulāla paramātmuni
sevaderi sigurulo sem̐gayai yuṁḍĕnu
(||bhāviṁ||)
malasi pannīḍa hari majjanamāḍeveḽa
kalaśhābdhim̐ dele māṇigamuvalĕ nuṁḍĕnu
alari kappura kābu avadhariṁcheḍi veḽa
mŏlasina vĕnnĕla mŏlagayai yuṁḍĕnu
(||bhāviṁ||)
aṁchalam̐ daṭṭubuṇum̐gu avadhariṁcheḍi veḽa
yĕṁcha naṁjanādribai yenugai vuṁḍĕnu
miṁchina hāramulĕlla mena niṁchugŏnna veḽa
maṁchimaṁchi nakṣhatra maṁḍalamai yuṁḍĕnu
(||bhāviṁ||)
vunnadi nalamelmaṁga nuramuna nuṁchu veḽa
pĕnnidhai pūsinaṭṭi saṁpĕṁgavalĕ nuṁḍĕnu
vannĕ śhrīveṁkaḍeśhum̐ḍu varamulichcheḍi veḽa
tinnanai yaṁdari bhāgyadevadayai yuṁḍĕnu