భావించలే రెవ్వరును బయలు వాఁకేరు గాని
(॥పల్లవి॥)
భావించలే రెవ్వరును బయలు వాఁకేరు గాని
నీవే గుఱుతు మాకు నీరజనాభా
(॥భావిం॥)
కైవల్య మెట్టుండునో నిక్కపు జ్ఞాన మెట్టుండునో
దైవిక మెట్టుండునో తలఁచరాదు
జీవన మెట్లనుండునో చిత్త మేరీతి నుండునో
ఆవిధ మెవ్వరి కిట్టట్టనఁగరాదు
(॥భావిం॥)
వేదము లెట్టుండునో విరతి యెట్టుండునో
ఆది నంత మెట్టుండునో అరయరాదు
భేదమనే దెట్టుండునో అభేదమది యెట్టుండునో
సోదించి యెవ్వరికిని చూడఁగరాదు
(॥భావిం॥)
ఫల మెట్లానుండునో భ క్తి యెట్లానుండునో
తెలివి యెట్టుండునో సాధించఁగరాదు
యిలపై శ్రీవేంకటేశ యిటు నీశరణుచొచ్చి
నిలుకడై వున్నారము నీకృప యిఁకను
(||pallavi||)
bhāviṁchale rĕvvarunu bayalu vām̐keru gāni
nīve guṟudu māgu nīrajanābhā
(||bhāviṁ||)
kaivalya mĕṭṭuṁḍuno nikkabu jñāna mĕṭṭuṁḍuno
daiviga mĕṭṭuṁḍuno talam̐sarādu
jīvana mĕṭlanuṁḍuno sitta merīdi nuṁḍuno
āvidha mĕvvari kiṭṭaṭṭanam̐garādu
(||bhāviṁ||)
vedamu lĕṭṭuṁḍuno viradi yĕṭṭuṁḍuno
ādi naṁta mĕṭṭuṁḍuno arayarādu
bhedamane dĕṭṭuṁḍuno abhedamadi yĕṭṭuṁḍuno
sodiṁchi yĕvvarigini sūḍam̐garādu
(||bhāviṁ||)
phala mĕṭlānuṁḍuno bha kti yĕṭlānuṁḍuno
tĕlivi yĕṭṭuṁḍuno sādhiṁcham̐garādu
yilabai śhrīveṁkaḍeśha yiḍu nīśharaṇusŏchchi
nilugaḍai vunnāramu nīkṛpa yim̐kanu