(॥పల్లవి॥)
భావము దెలియరే పడఁతులాల
యీవలనావలాను యెన్నఁ గొత్తలాయను
(॥భావ॥)
తొలుతనే కలువలు తుమ్మిదలనంపితేను
మొలచి తామెర వురుములనంపెను
అల చంద్రుఁడు కానరానట్టె కప్రమంపితేను
తొలఁకి చిగురాకులు దుర్గాలు చేకొనెను
(॥భావ॥)
గక్కన మొగలిరేకు కస్తూరి రేఁచితేను
మక్కువ మొల్లమెగ్గలు మణులానించె
యెక్కువ మరుని పుట్టినింటఁ దేరులు గూడితే
చక్కని కరితుండాలు చక్రముతో నమరె
(॥భావ॥)
ముగ్గని మెరుఁగుఁదీగె ముత్తేల పంట పండితే
వెగ్గళించి తేనెపండు వెన్నెలగాసె
అగ్గమై పువ్వులకొమ్మ ఆకులఁగాయలునిచ్చె
సిగ్గుల రాజ్యమేలె శ్రీ వెంకటేశుఁడు
(||pallavi||)
bhāvamu dĕliyare paḍam̐tulāla
yīvalanāvalānu yĕnnam̐ gŏttalāyanu
(||bhāva||)
tŏludane kaluvalu tummidalanaṁpidenu
mŏlasi tāmĕra vurumulanaṁpĕnu
ala saṁdrum̐ḍu kānarānaṭṭĕ kapramaṁpidenu
tŏlam̐ki sigurāgulu durgālu segŏnĕnu
(||bhāva||)
gakkana mŏgaliregu kastūri rem̐sidenu
makkuva mŏllamĕggalu maṇulāniṁchĕ
yĕkkuva maruni puṭṭiniṁṭam̐ derulu gūḍide
sakkani kariduṁḍālu sakramudo namarĕ
(||bhāva||)
muggani mĕrum̐gum̐dīgĕ muttela paṁṭa paṁḍide
vĕggaḽiṁchi tenĕbaṁḍu vĕnnĕlagāsĕ
aggamai puvvulagŏmma āgulam̐gāyalunichchĕ
siggula rājyamelĕ śhrī vĕṁkaḍeśhum̐ḍu