భారమైన వేఁపమాను పాలువోసి పెంచినాను
(॥పల్లవి॥)
భారమైన వేఁపమాను పాలువోసి పెంచినాను
తీరని చేఁదే కాక తియ్యనుండీనా
(॥భార॥)
పాయఁదీసి కుక్కతోఁక బద్దలువెట్టి బిగిసి
చాయ కెంత గట్టిగాను చక్కనుండీనా
కాయవు వికారమిది కలకాలముఁ జెప్పినా
పోయిన పోకలేకాక బుద్ది వినీనా
(॥భార॥)
ముంచి ముంచి నీటిలోన మూల నానఁ బెట్టుకొన్నా
మించిన గొడ్డలి నేఁడు మెత్తనయ్యీనా
పంచమహాపాతకాల బారిఁబడ్డ చిత్తమిది
దంచిదంచి చెప్పినాను తాఁకి వంగీనా
(॥భార॥)
కూరిమితోఁ దేలుఁదెచ్చి కోకలోన బెట్టుకొన్నా
సారెసారెఁ గుట్టుగాక చక్కనుండీనా
వేరులేని మహిమల వేంకటవిభుని కృప
ఘోరమైన ఆస మేలుకోర సోఁకీనా
(||pallavi||)
bhāramaina vem̐pamānu pāluvosi pĕṁchinānu
tīrani sem̐de kāga tiyyanuṁḍīnā
(||bhāra||)
pāyam̐dīsi kukkadom̐ka baddaluvĕṭṭi bigisi
sāya kĕṁta gaṭṭigānu sakkanuṁḍīnā
kāyavu vigāramidi kalagālamum̐ jĕppinā
poyina pogalegāga buddi vinīnā
(||bhāra||)
muṁchi muṁchi nīḍilona mūla nānam̐ bĕṭṭugŏnnā
miṁchina gŏḍḍali nem̐ḍu mĕttanayyīnā
paṁchamahābādagāla bārim̐baḍḍa sittamidi
daṁchidaṁchi sĕppinānu tām̐ki vaṁgīnā
(||bhāra||)
kūrimidom̐ delum̐dĕchchi kogalona bĕṭṭugŏnnā
sārĕsārĕm̐ guṭṭugāga sakkanuṁḍīnā
veruleni mahimala veṁkaḍavibhuni kṛpa
ghoramaina āsa melugora som̐kīnā