(॥పల్లవి॥)
భామ తొల్లిటి పూజఫలము సఫలముగాను
యేమఱక వేడుకల నిట్లఁ బూజించె
(॥భామ॥)
నొసలిలేఁ జెమటలను నునుఁగురులఁ బూజించె
కసిగాట్ల నధరంబు కలయఁ బూజించె
కొసరు కనుఁగవ కెంపు కొనలఁ బూజించె
వసివాడు మేనిపై వాసనలఁ బూజించె
(॥భామ॥)
మొలకనవ్వుల ముద్దుమో మలరఁ బూజించె
చిలుకుఁ జూపుల లోని సిగ్గుఁ బూజించె
నిలువుఁబులకలచేత నిలువెల్లఁ బూజించె
నెలఁతచనుదోయి క్రొన్నెలలఁ బూజించె
(॥భామ॥)
మనసు గోరికల కళ మర్మములఁ బూజించె
గొనకొన్న రతులచేఁ గొలికి పూజించె
ఎనసి శ్రీ తిరువేంకటేశు కౌఁగిటిలోన
వనిత సంభోగ పరవశముఁ బూజించె
(||pallavi||)
bhāma tŏlliḍi pūjaphalamu saphalamugānu
yemaṟaga veḍugala niṭlam̐ būjiṁchĕ
(||bhāma||)
nŏsalilem̐ jĕmaḍalanu nunum̐gurulam̐ būjiṁchĕ
kasigāṭla nadharaṁbu kalayam̐ būjiṁchĕ
kŏsaru kanum̐gava kĕṁpu kŏnalam̐ būjiṁchĕ
vasivāḍu menibai vāsanalam̐ būjiṁchĕ
(||bhāma||)
mŏlaganavvula muddumo malaram̐ būjiṁchĕ
silugum̐ jūbula loni siggum̐ būjiṁchĕ
niluvum̐bulagalaseda niluvĕllam̐ būjiṁchĕ
nĕlam̐tasanudoyi krŏnnĕlalam̐ būjiṁchĕ
(||bhāma||)
manasu gorigala kaḽa marmamulam̐ būjiṁchĕ
gŏnagŏnna radulasem̐ gŏligi pūjiṁchĕ
ĕnasi śhrī tiruveṁkaḍeśhu kaum̐giḍilona
vanida saṁbhoga paravaśhamum̐ būjiṁchĕ