(॥పల్లవి॥)
బయలు వందిలి వెట్టి పరగఁ జిత్తము గలిగె
దయమాలి తిరుగ నాత్మజుఁ డొకఁడు గలిగె
(॥బయ॥)
కనుచూపువలన నుడుగనికోరికలు గలిగె
తనుకాంక్షవలనఁ బరితాపంబు గలిగె
అనుభవనవలన మోహంధకారము గలిగె
తనివి దీమివలన తలపోఁత గలిగె
(॥బయ॥)
అడియాసవలన పాయనిచలంబునుఁ గలిగె
కడుమమతవలన చీఁకటి దవ్వఁగలిగె
కడలేని తమకమునఁ గాఁతాళమునుఁ గలిగె
నడుమ నంతటికి మాననిప్రేమ గలిగె
(॥బయ॥)
తరితీపు వలన చిత్తభ్రాంతి తగఁ గలిగె
విరహంబువలన పురవేదనలుఁ గలిగె
తిరువేంకటాచలాధిపుని కరుణామృతము
పరిపూర్ణమైన యాపద నీఁదఁ గలిగె
(||pallavi||)
bayalu vaṁdili vĕṭṭi paragam̐ jittamu galigĕ
dayamāli tiruga nātmajum̐ ḍŏgam̐ḍu galigĕ
(||baya||)
kanusūbuvalana nuḍuganigorigalu galigĕ
tanugāṁkṣhavalanam̐ baridābaṁbu galigĕ
anubhavanavalana mohaṁdhagāramu galigĕ
tanivi dīmivalana talabom̐ta galigĕ
(||baya||)
aḍiyāsavalana pāyanisalaṁbunum̐ galigĕ
kaḍumamadavalana sīm̐kaḍi davvam̐galigĕ
kaḍaleni tamagamunam̐ gām̐tāḽamunum̐ galigĕ
naḍuma naṁtaḍigi mānaniprema galigĕ
(||baya||)
taridību valana sittabhrāṁti tagam̐ galigĕ
virahaṁbuvalana puravedanalum̐ galigĕ
tiruveṁkaḍāsalādhibuni karuṇāmṛtamu
paribūrṇamaina yābada nīm̐dam̐ galigĕ