(॥పల్లవి॥)
బయలు మొరంగగు పరమమాయ ఇది
నయమున లోనై వగతురు గాని
(॥బయ॥)
కలఁడు హరి యొకఁడు కావ జగములకు
కలిగినతఁడు లేక మానఁడు
తెలిసి ఇందరికిఁ దేరిన యర్థమే
మలసి యప్పటి మరతురు గాని
(॥బయ॥)
పుట్టినదెల్లా భోగముకొరకే
పుట్టిన భోగము పో దెపుడు
పట్టి యీమాఁటలే పలుకుదు రిందరు
మట్టులేక ఇది మరతురు గాని
(॥బయ॥)
కర్మము శ్రీవేంకటపతి కార్యము
కర్మము దేహికిఁ గాణాచి
ధర్మ మీదేవుని దాస్యం బందురు
మర్మము లోకులు మరతురు గాని
(||pallavi||)
bayalu mŏraṁgagu paramamāya idi
nayamuna lonai vagaduru gāni
(||baya||)
kalam̐ḍu hari yŏgam̐ḍu kāva jagamulagu
kaliginadam̐ḍu lega mānam̐ḍu
tĕlisi iṁdarigim̐ derina yardhame
malasi yappaḍi maraduru gāni
(||baya||)
puṭṭinadĕllā bhogamugŏrage
puṭṭina bhogamu po dĕbuḍu
paṭṭi yīmām̐ṭale palugudu riṁdaru
maṭṭulega idi maraduru gāni
(||baya||)
karmamu śhrīveṁkaḍabadi kāryamu
karmamu dehigim̐ gāṇāsi
dharma mīdevuni dāsyaṁ baṁduru
marmamu logulu maraduru gāni