బల్లిదులు నీకంటెఁ బరులున్నారా నన్నుఁ
(॥పల్లవి॥)
బల్లిదులు నీకంటెఁ బరులున్నారా నన్నుఁ
దొల్లిటి బారి నింకఁ దోయకు మో యయ్య
(॥బల్లిదు॥)
చిక్కుల భవములఁ జెరఁజిక్కి వోపలేక
నిక్కి నీమరఁగు చొచ్చి నిలిచితిని
అక్కజమై యల్లనాఁడే అప్పులకర్మములెట్ల
ఇక్కడనె చుట్టుముట్టీ నేమిసేతునయ్యా
(॥బల్లిదు॥)
లచ్చి సంసారమునకు లగ్గమచ్చి తీరలేక
యిచ్చట నిన్నుఁగొలిచి యెక్కువై తిని
పొచ్చముల నల్లనాఁటిపూఁట దీరదని కొన్ని
బచ్చన బంధాలు వచ్చెఁ బాఁపగదవయ్య
(॥బల్లిదు॥)
అంచల నింద్రియముల కరివెట్టి పెట్టలేక
ముంచి నీ పాదాలకు మొరవెట్టితి
పొంచిన శ్రీవేంకటేశ భువన రక్షకుఁడవు
పంచల నున్నాఁడ నన్నుఁ బాలించవయ్యా
(||pallavi||)
ballidulu nīgaṁṭĕm̐ barulunnārā nannum̐
dŏlliḍi bāri niṁkam̐ doyagu mo yayya
(||ballidu||)
sikkula bhavamulam̐ jĕram̐jikki vobalega
nikki nīmaram̐gu sŏchchi nilisidini
akkajamai yallanām̐ḍe appulagarmamulĕṭla
ikkaḍanĕ suṭṭumuṭṭī nemisedunayyā
(||ballidu||)
lachchi saṁsāramunagu laggamachchi tīralega
yichchaḍa ninnum̐gŏlisi yĕkkuvai tini
pŏchchamula nallanām̐ṭibūm̐ṭa dīradani kŏnni
bachchana baṁdhālu vachchĕm̐ bām̐pagadavayya
(||ballidu||)
aṁchala niṁdriyamula karivĕṭṭi pĕṭṭalega
muṁchi nī pādālagu mŏravĕṭṭidi
pŏṁchina śhrīveṁkaḍeśha bhuvana rakṣhagum̐ḍavu
paṁchala nunnām̐ḍa nannum̐ bāliṁchavayyā