(॥పల్లవి॥)
బడలివున్నాఁడు ఉప్పరిగలోన గుట్టు
విడిచి విభునిఁ జేర వచ్చేయవె
(॥బడ॥)
చిలుకు నీనగవులే చిలుపాలు నీ
పలుచని నీ తెలి చూపుం బాశాలు
చలివేఁడికసరులే శాకాలు యింపు
దొలఁచి నీపతికి విందులు వెట్టవే
(॥బడ॥)
జడియు నీ చెమటలే జలకాలు నీ
కడుమంచి మెయితావి గందాలు
వెడయూర్పు విసరులే విభవాలు నీ
పొడముఁ బలుకుల తప్పులు వాపవే
(॥బడ॥)
కమ్మని నీమాటలే కప్పురాలు నీ
తమ్ములపుంజెదరులే తలఁబ్రాలు
నెమ్మది వేంకటగిరి నిలయుని నీవు
క్రమ్మఱం గ్రమ్మర నిట్టే కౌఁగిలించవే
(||pallavi||)
baḍalivunnām̐ḍu upparigalona guṭṭu
viḍisi vibhunim̐ jera vachcheyavĕ
(||baḍa||)
silugu nīnagavule silubālu nī
palusani nī tĕli sūbuṁ bāśhālu
salivem̐ḍigasarule śhāgālu yiṁpu
dŏlam̐si nībadigi viṁdulu vĕṭṭave
(||baḍa||)
jaḍiyu nī sĕmaḍale jalagālu nī
kaḍumaṁchi mĕyidāvi gaṁdālu
vĕḍayūrbu visarule vibhavālu nī
pŏḍamum̐ balugula tappulu vābave
(||baḍa||)
kammani nīmāḍale kappurālu nī
tammulabuṁjĕdarule talam̐brālu
nĕmmadi veṁkaḍagiri nilayuni nīvu
krammaṟaṁ grammara niṭṭe kaum̐giliṁchave