(॥పల్లవి॥)
బాపు బాపు యిఁక నాకుఁ బరిణామము
ఆ పనులెల్లా నావి అదియే నా వలపు
(॥బాప॥)
మంతనాన నీవు నాపె మాటలాడఁగాఁ జూచి
చింతలెల్లఁ బాసి యేక చిత్తమాయను
వంతులకు నే నీకు వలతునాపెకు నీవు
అంతకంటె వలతువు అదియే నావలపు
(॥బాప॥)
చలివాసి యిద్దరును సరసమాడఁగఁ జూచి
బలిమి నాజన్మము సఫలమాయెను
అలరి నే నీకు లోను ఆపెకు నీవులోనై
అలవాటాయఁ గనక అదియే నావలపు
(॥బాప॥)
మంచముపై నిద్దర నెమ్మదినుండఁగాఁ జూచి
సంచమై నామేనెల్ల చల్లనాయను
యెంచఁగ శ్రీవేంకటేశ యిద్దరము నీసొమ్ము
అంచెలఁ గూడితిమిదె అదియే నావలపు
(||pallavi||)
bābu bābu yim̐ka nāgum̐ bariṇāmamu
ā panulĕllā nāvi adiye nā valabu
(||bāba||)
maṁtanāna nīvu nābĕ māḍalāḍam̐gām̐ jūsi
siṁtalĕllam̐ bāsi yega sittamāyanu
vaṁtulagu ne nīgu valadunābĕgu nīvu
aṁtagaṁṭĕ valaduvu adiye nāvalabu
(||bāba||)
salivāsi yiddarunu sarasamāḍam̐gam̐ jūsi
balimi nājanmamu saphalamāyĕnu
alari ne nīgu lonu ābĕgu nīvulonai
alavāḍāyam̐ ganaga adiye nāvalabu
(||bāba||)
maṁchamubai niddara nĕmmadinuṁḍam̐gām̐ jūsi
saṁchamai nāmenĕlla sallanāyanu
yĕṁcham̐ga śhrīveṁkaḍeśha yiddaramu nīsŏmmu
aṁchĕlam̐ gūḍidimidĕ adiye nāvalabu