అయ్యో వికల్పవాదులంతటా సిగ్గువడరు
(॥పల్లవి॥)
అయ్యో వికల్పవాదులంతటా సిగ్గువడరు
యియ్యెడ నెట్టుగలిగె నీ యసురమతము
(॥అయ్యో॥)
నీ ముద్రలూ నొల్లరు నీదాసోహము నొల్లరు
కామించి నీ మీఁది భక్తి కడు నొల్లరు
నామమంత్రము నొల్ల రనామయుండ వనెందురు
తాము వైష్ణవుల మంటాఁ దర్కింతురు
(॥అయ్యో॥)
పైతృకవేళ నీపస్రాదమూ నొల్లరు
ఘాతల నూర్ధ్వపుండ్రము గాదందురు
జాతర దైవాల నిన్ను సరిగాఁ బూజింతురు
ఆతల వైష్ణవులు దామనుకొందురు
(॥అయ్యో॥)
శ్రీవైష్ణవులఁ గంటేఁ జేతులెత్తి మొక్కరు
భావింతురు పగవారిఁబలెఁ గన్నట్టు
ఆవల వైకుంఠమూ ననిత్యమందురు
కావించి వైష్ణవులము కామా నేమందురు
(॥అయ్యో॥)
వరుస రావణాదుల వలె నెజ్ఞాలు సేతురు
సరుస నట్టే వేదమూఁ జదువుదురు
నిరతి శ్రీవేంకటేశ నీ మహిమ లెరఁగక
అరిది వైష్ణవులమే యని యాడుకొందురు
(||pallavi||)
ayyo vigalbavādulaṁtaḍā sigguvaḍaru
yiyyĕḍa nĕṭṭugaligĕ nī yasuramadamu
(||ayyo||)
nī mudralū nŏllaru nīdāsohamu nŏllaru
kāmiṁchi nī mīm̐di bhakti kaḍu nŏllaru
nāmamaṁtramu nŏlla ranāmayuṁḍa vanĕṁduru
tāmu vaiṣhṇavula maṁṭām̐ dargiṁturu
(||ayyo||)
paitṛkaveḽa nībasrādamū nŏllaru
ghādala nūrdhvabuṁḍramu gādaṁduru
jādara daivāla ninnu sarigām̐ būjiṁturu
ādala vaiṣhṇavulu dāmanugŏṁduru
(||ayyo||)
śhrīvaiṣhṇavulam̐ gaṁṭem̐ jedulĕtti mŏkkaru
bhāviṁturu pagavārim̐balĕm̐ gannaṭṭu
āvala vaiguṁṭhamū nanityamaṁduru
kāviṁchi vaiṣhṇavulamu kāmā nemaṁduru
(||ayyo||)
varusa rāvaṇādula valĕ nĕjñālu seduru
sarusa naṭṭe vedamūm̐ jaduvuduru
niradi śhrīveṁkaḍeśha nī mahima lĕram̐gaga
aridi vaiṣhṇavulame yani yāḍugŏṁduru