అయ్యో వీఁడు నన్నణఁకించీనే వీని
(॥పల్లవి॥)
అయ్యో వీఁడు నన్నణఁకించీనే వీని-
కొయ్యతనా లణఁచక కోపమేల తీరునే
(॥అయ్యో॥)
గుట్టున వాఁడిందు రాఁగ గొబ్బన నే ముంగురులు
పట్టుకొని పరపుపైఁ బడఁదీసి
గట్టిగ గుబ్బలమీఁది కస్తూరిచెమటలనే
అట్టునిట్టు సేయక నాయల పేల తీరునే
(॥అయ్యో॥)
గక్కున వాఁడిందు రాఁగా గడెవెట్టి తమకాన
చెక్కుదోయి నాకొనచేతనే నొక్కి
పుక్కిటితమ్ములమిడిపొదిగొన్న కౌఁగిటిలో
నొక్కినఁగాని నానొగులేల తీరునే
(॥అయ్యో॥)
కూరిమి వాఁడిందు రాఁగా కొంకక నా వాఁడిగోళ్ళ
జీరలుగా నొడలెల్ల జిమ్ముచుఁ దీసి
ధీరత వేంకటగిరి దేవుఁడైన వానికి నా-
నేరుపెల్లఁ జూపక నా నెగులేల తీరునే
(||pallavi||)
ayyo vīm̐ḍu nannaṇam̐kiṁchīne vīni-
kŏyyadanā laṇam̐saga kobamela tīrune
(||ayyo||)
guṭṭuna vām̐ḍiṁdu rām̐ga gŏbbana ne muṁgurulu
paṭṭugŏni parabubaim̐ baḍam̐dīsi
gaṭṭiga gubbalamīm̐di kastūrisĕmaḍalane
aṭṭuniṭṭu seyaga nāyala pela tīrune
(||ayyo||)
gakkuna vām̐ḍiṁdu rām̐gā gaḍĕvĕṭṭi tamagāna
sĕkkudoyi nāgŏnasedane nŏkki
pukkiḍidammulamiḍibŏdigŏnna kaum̐giḍilo
nŏkkinam̐gāni nānŏgulela tīrune
(||ayyo||)
kūrimi vām̐ḍiṁdu rām̐gā kŏṁkaga nā vām̐ḍigoḽḽa
jīralugā nŏḍalĕlla jimmusum̐ dīsi
dhīrada veṁkaḍagiri devum̐ḍaina vānigi nā-
nerubĕllam̐ jūbaga nā nĕgulela tīrune