(॥పల్లవి॥)
అయ్యో వారిభాగ్య మంతేకాక
నెయ్యపువెన్న వట్టుక నెయ్యి వెదకేరు
(॥అయ్యో॥)
దేవుఁడు వెల్లవిరై దిక్కులెల్లా నిండుండఁగా
సోవల నాస్తికునకు శూన్యమై తోఁచు
యీవల వాన గురిసి యేరెంతబంటి వారినా
కావరపు జీవునకు గతుగతుకే
(॥అయ్యో॥)
హరి శరణంటేఁ గాచే అట్టియుపాయమే వుండఁగ
విరసానకుఁ గర్మమే వెగ్గళమాయ
పరగ నరులకెల్లాఁ బట్టపగలై యుండఁగా
అరయఁ గొన్ని జంతుల కంధకారమాయను
(॥అయ్యో॥)
యిక్కడ శ్రీవేంకటేశుఁ డెదుటనే వుండఁగాను
అక్కటా మూఢున కెందు ననుమానమే
మక్కువ నింతా నమృతమయమైనఁ గోడికి
తెక్కులఁ దవ్వఁ బొయ్యేది తిప్పపెంటలే
(||pallavi||)
ayyo vāribhāgya maṁtegāga
nĕyyabuvĕnna vaṭṭuga nĕyyi vĕdageru
(||ayyo||)
devum̐ḍu vĕllavirai dikkulĕllā niṁḍuṁḍam̐gā
sovala nāstigunagu śhūnyamai tom̐su
yīvala vāna gurisi yerĕṁtabaṁṭi vārinā
kāvarabu jīvunagu gadugaduge
(||ayyo||)
hari śharaṇaṁṭem̐ gāse aṭṭiyubāyame vuṁḍam̐ga
virasānagum̐ garmame vĕggaḽamāya
paraga narulagĕllām̐ baṭṭabagalai yuṁḍam̐gā
arayam̐ gŏnni jaṁtula kaṁdhagāramāyanu
(||ayyo||)
yikkaḍa śhrīveṁkaḍeśhum̐ ḍĕduḍane vuṁḍam̐gānu
akkaḍā mūḍhuna kĕṁdu nanumāname
makkuva niṁtā namṛtamayamainam̐ goḍigi
tĕkkulam̐ davvam̐ bŏyyedi tippabĕṁṭale