అయ్యో సదా మత్తుఁడను హరి నీ దాసులు నన్ను
(॥పల్లవి॥)
అయ్యో సదా మత్తుఁడను హరి నీ దాసులు నన్ను
ఇయ్యెడనే దయఁజూచి యీడేర్చిరిఁ గాక
(॥అయ్యో॥)
తెగక కన్నులుమూసి దేహము మఱచేవాఁడ
నిగిడి దేవుఁడవని నిన్నెరిఁగేనా
తగఁ బసిఁడి చూచి నే ధర్మము మరచేవాఁడ
జగతి విజ్ఞానము సరవెరిఁగేనా
(॥అయ్యో॥)
వలచి సతులనేటి వలలఁ బడేటివాఁడ
మలసి తప్పించుక నీ మాయ దాఁటేనా
వెలయ నన్నీఁ జదివి వివేకమొల్లనివాఁడ
చలివాసి నీభక్తి చవిగొనేనా
(॥అయ్యో॥)
మించు సంసారము చొచ్చి మీఁదు దెలియనివాఁడ-
నంచ నీ వంతర్యామివని మొక్కేనా
యెంచక శ్రీవేంకటేశ ఇటు నన్ను నేలితివి
మంచిదాయ నిఁక నిది మానబొయ్యేనా
(||pallavi||)
ayyo sadā mattum̐ḍanu hari nī dāsulu nannu
iyyĕḍane dayam̐jūsi yīḍersirim̐ gāga
(||ayyo||)
tĕgaga kannulumūsi dehamu maṟasevām̐ḍa
nigiḍi devum̐ḍavani ninnĕrim̐genā
tagam̐ basim̐ḍi sūsi ne dharmamu marasevām̐ḍa
jagadi vijñānamu saravĕrim̐genā
(||ayyo||)
valasi sadulaneḍi valalam̐ baḍeḍivām̐ḍa
malasi tappiṁchuga nī māya dām̐ṭenā
vĕlaya nannīm̐ jadivi vivegamŏllanivām̐ḍa
salivāsi nībhakti savigŏnenā
(||ayyo||)
miṁchu saṁsāramu sŏchchi mīm̐du dĕliyanivām̐ḍa-
naṁcha nī vaṁtaryāmivani mŏkkenā
yĕṁchaga śhrīveṁkaḍeśha iḍu nannu nelidivi
maṁchidāya nim̐ka nidi mānabŏyyenā