(॥పల్లవి॥)
అయ్యో నేనే కా అన్నిటికంటెఁ దీలు
గయ్యాళినై వ్రిధా గర్వింతుఁ గాని
(॥అయ్యో॥)
తడిపివుదికినట్టి ధౌతవస్త్రములు నా-
యొడలు మోఁచినమీఁద యోగ్యము గావు
వుడివోక వనములో వొప్పైనవిరులు నే-
ముడిచి వేసినంతనే ముట్టరాదాయను
(॥అయ్యో॥)
వెక్కసపు రచనల వేవేలు రుచులు నా
వొక్కనాలుకంటితేనే యోగ్యముగావు
పక్కన దేవార్హపుఁ బరిమళ గంధములు నా-
ముక్కుసోఁకినంతలోన ముట్టరాదాయను
(॥అయ్యో॥)
గగనాననుండి వచ్చేగంగాజలములైన
వొగి నాగోరంటితేనే యోగ్యము గావు
నగు శ్రీవేంకటపతి నన్నే రక్షించినదాఁక
మొగడై యెరుక తుదిముట్టరాదాయను
(||pallavi||)
ayyo nene kā anniḍigaṁṭĕm̐ dīlu
gayyāḽinai vridhā garviṁtum̐ gāni
(||ayyo||)
taḍibivudiginaṭṭi dhaudavastramulu nā-
yŏḍalu mom̐sinamīm̐da yogyamu gāvu
vuḍivoga vanamulo vŏppainavirulu ne-
muḍisi vesinaṁtane muṭṭarādāyanu
(||ayyo||)
vĕkkasabu rasanala vevelu rusulu nā
vŏkkanālugaṁṭidene yogyamugāvu
pakkana devārhabum̐ barimaḽa gaṁdhamulu nā-
mukkusom̐kinaṁtalona muṭṭarādāyanu
(||ayyo||)
gaganānanuṁḍi vachchegaṁgājalamulaina
vŏgi nāgoraṁṭidene yogyamu gāvu
nagu śhrīveṁkaḍabadi nanne rakṣhiṁchinadām̐ka
mŏgaḍai yĕruga tudimuṭṭarādāyanu