అయ్యో మాయలఁ బొంది అందునిందు నున్నవారు
(॥పల్లవి॥)
అయ్యో మాయలఁ బొంది అందునిందు నున్నవారు
యియ్యగొనఁ గర్తలుగా రెఱఁగరు జడులు
(॥అయ్యో॥)
చుక్కలై యుండినవారు సురలై యుండినవారు
యిక్కడనుండి పోయిన యీజీవులే
దిక్కుల వారి నిందరు దేవతలంటా మొక్కేరు
యొక్కుడైన హరి నాత్మ నెఱఁగరు జడులు
(॥అయ్యో॥)
పాతాళవాసులను పలులోకవాసులును
యీతరవాత నుండిన యీ జీవులే
కాతరాన వారిపుణ్యకతలే వినేరు గాని
యీతల శ్రీహరికత లెఱఁగరు జడులు
(॥అయ్యో॥)
యిరవెఱిఁగిన ముక్తు లెఱఁగని బద్దులు
యిరవై మనలోనున్న యీజీవులే
సిరుల మించినవాఁడు శ్రీవేంకటేశ్వరుఁడే
శరణాగతులు దక్క చక్కఁ గారు జడులు
(||pallavi||)
ayyo māyalam̐ bŏṁdi aṁduniṁdu nunnavāru
yiyyagŏnam̐ gardalugā rĕṟam̐garu jaḍulu
(||ayyo||)
sukkalai yuṁḍinavāru suralai yuṁḍinavāru
yikkaḍanuṁḍi poyina yījīvule
dikkula vāri niṁdaru devadalaṁṭā mŏkkeru
yŏkkuḍaina hari nātma nĕṟam̐garu jaḍulu
(||ayyo||)
pādāḽavāsulanu palulogavāsulunu
yīdaravāda nuṁḍina yī jīvule
kādarāna vāribuṇyagadale vineru gāni
yīdala śhrīharigada lĕṟam̐garu jaḍulu
(||ayyo||)
yiravĕṟim̐gina muktu lĕṟam̐gani baddulu
yiravai manalonunna yījīvule
sirula miṁchinavām̐ḍu śhrīveṁkaḍeśhvarum̐ḍe
śharaṇāgadulu dakka sakkam̐ gāru jaḍulu