(॥పల్లవి॥)
అయ్యో దయ వలదా ఆఁటదానికి
చయ్యాట మాడినాను సంగతి గావలదా
(॥అయ్యో॥)
జీరల నీ మేను చూచి సిగ్గయ్యీ నా కైతె
ఆరడి నీ కె ట్లితవాయనో కాని
కూరిమితో నాపెకు నీ కుందణమువంటి మేను
యీరీతిఁ జేయఁగఁ జేతు లెట్టాడెనో
(॥అయ్యో॥)
గంటైన నీ మోవి చూచి కనికిర మయ్యీని
కంటకము నీ కెట్లా గాదో గాని
గొంటరియాపె దానె చిగురువంటి నీ మోవి
అంటి యింత సేసె నెంత అగ్గలికో కాని
(॥అయ్యో॥)
కురులు నలఁగిన నీ కొప్పు చూచి వెరగయ్యీ
శిరసు నీ కె ట్టోరిచెనో కాని
గరిమఁ గూడితి శ్రీవెంకటనాథ నను నిటె
నిరతిఁ గడపరాయ నిను మించఁ గలనా.
(||pallavi||)
ayyo daya valadā ām̐ṭadānigi
sayyāḍa māḍinānu saṁgadi gāvaladā
(||ayyo||)
jīrala nī menu sūsi siggayyī nā kaidĕ
āraḍi nī kĕ ṭlidavāyano kāni
kūrimido nābĕgu nī kuṁdaṇamuvaṁṭi menu
yīrīdim̐ jeyam̐gam̐ jedu lĕṭṭāḍĕno
(||ayyo||)
gaṁṭaina nī movi sūsi kanigira mayyīni
kaṁṭagamu nī kĕṭlā gādo gāni
gŏṁṭariyābĕ dānĕ siguruvaṁṭi nī movi
aṁṭi yiṁta sesĕ nĕṁta aggaligo kāni
(||ayyo||)
kurulu nalam̐gina nī kŏppu sūsi vĕragayyī
śhirasu nī kĕ ṭṭorisĕno kāni
garimam̐ gūḍidi śhrīvĕṁkaḍanātha nanu niḍĕ
niradim̐ gaḍabarāya ninu miṁcham̐ galanā.