అయినట్టయ్యీఁ గాని అల్లాడనే
(॥పల్లవి॥)
అయినట్టయ్యీఁ గాని అల్లాడనే
పయిపూఁత సటమాని పదరాదా
(॥అయి॥)
కన్నులఁ జూడనిదానవు మమ్ముఁ గవకవ నవ్వనేలెనీ
చిన్నిమోమెత్తనిదానవు చెక్కుచెమరించనదియేలె
కన్నె సిగ్గువడ్డదానవు నన్నుఁగడునిక్కిచూడనేలె యీ
పన్నెటి మాయలు మాని పదరాదా
(॥అయి॥)
పొంచి మాటాడనిదానవు మాతో బొమ్మలజంకించనేలె నా
మంచానకు రానిదానవు నీవు మరి వుస్సురననేలె
కంచపు పంతపు దానవు మా కత లాలకించ నేలెయీ
పంచల మాయలు మాని పదరాదా
(॥అయి॥)
వొలిసీ నొల్లనిదానవు నీ వొళ్లు పులకించ నేలె నేఁ
గలసితి శ్రీ వెంకటపతిని
బలిమిఁ బెనఁగేదానవు యిట్టె పరవశ మందనేలెనీ
పలుకుల మాయ మాని పదరాదా
(||pallavi||)
ayinaṭṭayyīm̐ gāni allāḍane
payibūm̐ta saḍamāni padarādā
(||ayi||)
kannulam̐ jūḍanidānavu mammum̐ gavagava navvanelĕnī
sinnimomĕttanidānavu sĕkkusĕmariṁchanadiyelĕ
kannĕ sigguvaḍḍadānavu nannum̐gaḍunikkisūḍanelĕ yī
pannĕḍi māyalu māni padarādā
(||ayi||)
pŏṁchi māḍāḍanidānavu mādo bŏmmalajaṁkiṁchanelĕ nā
maṁchānagu rānidānavu nīvu mari vussurananelĕ
kaṁchabu paṁtabu dānavu mā kada lālagiṁcha nelĕyī
paṁchala māyalu māni padarādā
(||ayi||)
vŏlisī nŏllanidānavu nī vŏḽlu pulagiṁcha nelĕ nem̐
galasidi śhrī vĕṁkaḍabadini
balimim̐ bĕnam̐gedānavu yiṭṭĕ paravaśha maṁdanelĕnī
palugula māya māni padarādā